სერბეთის რესპუბლიკა და ბოსნია-ჰერცოგოვინა საქართველოს ტერიტორიულ მთლიანობასა და სუვერენიტეტს პატივს სცემენ, - ასე გამოეხმაურა საგარეო საქმეთა მინისტრი მიხეილ ჯანელიძე სერბეთში ე.წ. სამხრეთ ოსეთის დე-ფაქტო პრეზიდენტის ანატოლი ბიბილოვის „ვიზიტს“.

როგორც ჯანელიძემ განმარტა, დე-ფაქტო პრეზიდენტის ჩასვლა აღნიშნულ ქვეყნებში აღქმული იყო, როგორვ კერძო პირის ვიზიტი.

„არის მცდელობები, რომ რუსეთის ფედერაციამ მაქსიმალურად ხელი შეუწყოს რეჟიმების სხვადასხვა მოგზაურობებს, მაგრამ პირველ რიგში უნდა აღინიშნოს, რომ იგივე სერბეთში და ბოსნია-ჰერცოგოვინაში ეს ვიზიტები, მათი ცენტრალური ხელისუფლებების მიერ იქნა შეფასებული. ისინი პატივს სცემენ საქართველოს ტერიტორიულ მთლიანობას და სუვერენიტეტს. ჩვენ გვაქვს მზარდი ურთიერთობები ორივე სახელმწიფოსთან, ხოლო ის ვიზიტი იქნა აღქმული როგორც კერძო პირის ვიზიტი და მათ შორის ის შეხვედრა, რომელიც შედგა სერბეთის პატრიარქთან ამ საკითხზე საქართველოს ორივე საელჩო აქტიურად მუშაობდა და შესაბამისი რეაგირებაც მოხდა ამ სახელმწიფოების მხრიდან“, - განაცხადა ვიცე-პრემიერმა.

შეგახსენებთ, რომ ანატოლი ბიბილოვი "ვიზიტით" სერბეთში იმყოფებოდა. ამის შემდეგ მედიაში გავრცელდა ინფორმაცია, რომ საქართველომ ბიბილოვის ჩასვლის გამო, ბოსნია-ჰერცოგოვინას პროტესტის ნოტა გაუგზავნა. გარდა ამისა, შედგა შეხვედრა სერბეთის პატრიარქთან, რასაც საქართველოს საპატრიარქოც გამოეხმაურა. საპატრიარქომ სერბეთის მართლმადიდებელი ეკლესიისთვის გაგზავნილი წერილის შინაარსი 15 იანვარს გაასაჯაროვა. წერილში საპატრიარქოს საგარეო საქმეთა განყოფილებამ სერბეთის განყოფილებას ახსნა განმარტება მოსთხოვა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია