ნარკოპოლიტიკის შესახებ კანონპროექტის საკანონმდებლო განხილვა, შეჯერებული პოზიციის მიღებამდე აღარ განახლდება

2018-01-12 14:38:04, 3234 ნახვა

პოლიტიკა

ნარკოტიკების მოხმარების დეკრიმინალიზაციის შესახებ კანონპროექტის შემდგომი საკანონმდებლო განხილვა აღარ განახლდება მანამ, სანამ უმრავლესობაში შეჯერებული პოზიცია არ იქნება ჩამოყალიბებული.

ამის შესახებ ჯანდაცვის კომიტეტის თავმჯდომარე აკაკი ზოიძემ მეცნიერებათა აკადემიაში ნარკოპოლიტიკის თემაზე მიმდინარე გაფართოებულ შეხვედრაზე განაცხადა. "იურიდიულ კომიტეტზე, შემდეგ პლენარულ სხდომაზე არ მოხდება კანონპროექტის განხილვა, სანამ უმრავლესობა არ შეჯერდება. უმრავლესობა დარწმუნებული ვარ, შეჯერდება და ამის შემდეგ განახლდება საკანონმდებლო პროცესი",-აღნიშნა აკაკი ზოიძემ.

მეცნიერებათა აკადემიის ინიციატივით, მეცნიერები, ნარკოლოგები, სასულიერო პირები და საზოგადოებისთვის ცნობილი სახეები "ნარკოპოლიტიკის რეფორმის“ ავტორებსა და საკანონმდებლო ორგანოს წარმომადგენლებს ხვდებიან.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები