„არავის ვაკრიტიკებ, თუმცა უმჯობესი იქნებოდა, რომ სამართლებრივი კონსულტაციები აეღო პრეზიდენტს, დევნის დაწყება შეწყალების მუხლით-ასეთი ტერმინოლოგია არ არსებობს“,-ასე გამოეხმაურა პროკურორი ირაკლი ნადარეიშვილი მიხეილ სააკაშვილის მიმართ გამოტანილ განაჩენთან დაკავშირებით პრეზიდენტ გიორგი მარგველაშვილის განცხადებას, რომლის თანახმადაც, „შემაშფოთებელია, რომ პროკურატურამ  დევნის საფუძვლად შეწყალების უფლების შესახებ კონსტიტუციური მუხლი გამოიყენა“.

პროკურორი განმარტავს, რომ მიხეილ სააკაშვილის მიმართ დევნის დაწყება უფლებამოსილების ბოროტად გამოყენების მუხლით მოხდა და მთელი არსი სწორედ იმაში მდგომარეობს, რომ შწყალების უფლებამოსილება ბოროტად იქნა გამოყენებული:

„რაც შეეხება იმას, თუ რატომ და როგორ დაიწყო ხელახალი გამოძიება. არ არის სწორი სამართლებრივი კვალიფიკაცია, მე არავის ვაკრიტიკებ, თუმცა უმჯობესი იქნებოდა, რომ სამართლებრივი კონსულტაციები აეღო პრეზიდენტს,დევნის დაწყება შეწყალების მუხლით, ასეთი ტერმინოლოგია არ არსებობს. დევნის დაწყება მოხდა უფლებამოსილების ბოროტად გამოყენების მუხლით. მთელი არსი იმაშია, რომ მას ჰქონდა გარკვეული უფლებამოსილება და ეს უფლებამოსილება იქნა გამოყენებული ბოროტად. ამაშია არსი და არა იმაში, რომ შეწყალების გამო გასამართლდა ვინმე“,-აღნიშნა ირაკლი ნადარეიშვილმა.

საქართველოს ექს პრეზიდენტი მიხეილ სააკაშვილი თბილისის საქალაქო სასამართლომ სანდრო გირგვლიანის მკვლელობის საქმეზე დამნაშავედ სცნო და მას  ამნისტიით, საბოლოო ჯამში 3 წლით თავისუფლების აღკვეთა მიუსაჯა.

მოსამართლემ სააკაშვილის მიმართ განაჩენი დაუსწრებლად გამოიტანა, რადგან მიხეილ სააკაშვილი უკრაინაში იმყოფება. აღსანიშნავია, რომ საქართველოს პროკურატურამ უკრაინულ მხარეს მიხეილ სააკაშვილის დაკავებისა და ექსტრადიციის შესახებ შუამდგომლობით  რამდენჯერმე მიმართა.

მიხეილ სააკაშვილს სანდრო გირგვლიანის საქმეზე მსჯავრდებული პირების შეწყალებისას სამსახურებრივი უფლებამოსილების ბოროტად გამოყენება ედებოდა ბრალად.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია