ახალი 2018 წელი პაშა ბანკმა კვლავ გარემოსდაცვითი აქტივობით მიულოცა თავის კლიენტებს და პარტნიორებს. მათ სახელზე ბანკმა კამპანია „აღადგინეს“ ფარგლებში 2018 ძირი ხის დარგვა დააფინანსა. აღნიშნული კამპანია მიზნად ისახავს ბორჯომის მახლობლად დამწვარი ტყის აღდგენას.

“2017 წელს პაშა ბანკი საკმაოდ აქტიურად ერთვებოდა გარემოსდაცვით პროექტებში. გასული ახალი წელიც ჩვენს კლიენტებს და პარტნიორებს გამორჩეულად მივულოცეთ, მათ სახელზე ბორჯომის ტყის აღსადგენად 2017 ძირი ქართული ფიჭვი დავრგეთ. ამ საჩუქარს დადებითი გამოხმაურება მოჰყვა, ამიტომ წელსაც შევინარჩუნეთ იგივე მიმართულება და კამპანია „აღადგინეს“ ფარგლებში ამჯერად 2018 ძირი ხის დარგვა დავაფინანსეთ. იმედი გვაქვს, რომ ჩვენი პარტნიორები კმაყოფილი დარჩებიან ამ საჩუქრით“, - თქვა პაშა ბანკის საზოგადოებასთან ურთიერთობის და მარკეტინგის დეპარტამენტის უფროსმა ანანო ქორქიამ.

2017 წელს პაშა ბანკის მიერ განხორციელებულ გარემოსდაცვით პროექტებს შორის არის:

• ბორჯომის ტყის აღსადგენად ინიცირებული კამპანია, რომელიც გულისხმობს ორგანიზაციებიდან მაკულატურის შეგროვებას გადასამუშავებლად, საიდანაც თითო შეგროვილი კილოგრამი ქაღალდის სანაცვლოდ 13 თეთრი გადაირიცხება „აღადგინეს“ ანგარიშზე; აღსანიშნავია, რომ კამპანიაში უკვე ჩაერთო 100 კომპანია და შეგროვდა 14 ტონა მაკულატურა;
• აჯამეთის დაცულ ტერიტორიაზე 1,000 ძირი ქართული და იმერული მუხის დარგვა. ეს უკანასკნელი შესულია წითელ ნუსხაში და მინიჭებული აქვს გადაშენების საფრთხის პირას მყოფი მცენარის სტატუსი;
• პროექტი „აღადგინეს“ ფარგლებში დამატებით 500 ძირი ხის დარგვა ბორჯომის ტყის აღსადგენად, რასაც წინ უძღოდა 2017 ძირი ხის დარგვა 2008 წელს დამწვარი ტყის აღსადგენად;
• როტარი კლუბი თბილისი ამბასადორის მიერ ინიცირებული ეკო-პროექტის მხარდაჭერა სოფელ კონდოლში, რომლის ფარგლებშიც მოხდა სკოლის ეზოში სკვერის გაშენება, ხეების დარგვა და ეკო-კლუბის ჩამოყალიბება;
• 1 ივნისს, ბავშვთა საერთაშორისო დღესთან დაკავშირებით Georgia Today-თან ერთად განხორციელებული პროექტის ფარგლებში თბილისის ათი სკოლისთვის ქართული სოჭის ნერგების საჩუქრად გადაცემა.

(R)

ავტორი: ,

სოციალური ქსელები

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე

„სოლიდუსი“ ოკუპირებული აფხაზეთის მომარაგებისთვის ბენზინს ეძებს