2017-12-15 12:53:28, 2421 ნახვა
მსოფლიო
ევროკავშირმა რუსეთს სანქციები გაუხანგრძლივა
ევროკავშირის წევრი ქვეყნების ლიდერებმა რუსეთისთვის დაწესებული ეკონომიკური სანქციების გახანგრძლივების გადაწყვეტილება მიიღეს.
ამის შესახებ ევროსაბჭოს პრეზიდენტი დონალდ ტუსკი twitter-ის საკუთარ გვერდზე წერს.
“ევროკავშირმა ერთხმად გადაწყვიტა რუსეთისთვის ეკონომიკური სანქციების გახანგრძლივება“, - წერს ტუსკი.
სანქციები, რომლის ვადაც 2018 წლის იანვრის ბოლოს იწურებოდა, კიდევ 6 თვით იქნება ძალაში.
რუსეთის წინააღმდეგ სანქციები აშშ-მა და ევროკავშირმა 2014 წელს ყირიმის შეერთებისა და მოგვიანებით, უკრაინის სამხრეთ-აღმოსავლეთით კონფლიქტის გამო დააწესეს. ამის საპასუხოდ ოფიციალურმა მოსკოვმა რუსეთში მათი პროდუქტის ექსპორტი აკრძალა.
![]()
ავტორი: ,
epn.ge (@expressnews.ge)
