მიანმარში, 2017 წლის აგვისტოდან დღემდე,  როჰინჯას 7 ათასამდე წარმომადგენელი მოკლეს.

სტატისტიკას საერთაშორისო არასამთავრობო ორგანიზაცია „ექიმები საზღვრებს გარეშე“  ავრცელებს. 

ორგანიზაციის ინფორმაციით, რელიგიური და ეთნიკური ნიშნით დევნის გამო, მიანმარიდან ბანგლადეშში 600 ათასზე მეტი როჰინჯა გაიქცა. მიანმარის შეიარაღებული ძალების მხრიდან განხორციელებული ძალადობის მსხვერპლი 730 ბავშვია მათგან ნახევარი 5 წლამდე ასაკის.

გაეროს ოფიციალური მონაცემებით, მიანმარი 830 ათასზე მეტმა როჰინჯა მუსლიმმა დატოვა.

მიანმარში სიტუაცია 2017 წლის 25 აგვისტოს შემდეგ დაიძაბა, როდესაც  "როჰინჯა არაკანას გადარჩენის არმიის” დანებით და ხელნაკეთი ბომბებით შეიარაღებულმა მებრძოლებმა  მიანმარის არმიის ბაზასა და პოლიციის 30-ზე მეტ საგუშაგოზე თავდასხმა მოაწყვეს და  ქვეყნის სპეცსამსახურების, სულ ცოტა, 12 წარმომადგენელი მოკლეს.

როჰინჯა მიანმარის ერთ-ერთი ეთნიკური უმცირესობაა. ქვეყანაში დაახლოებით მილიონი როჰინჯა ცხოვრობს. მათი უმრავლესობა მუსლიმია, მაშინ, როდესაც მიანმარის მოსახლეობის 90% - ბუდისტია.ისინი  მიანმარის შტატ რაკჰაინში ცხოვრობს და ტერიტორიის მკვიდრად მიაჩნია თავი, თუმცა ისტორიკოსების უმეტესობა მიიჩნევს, რომ როჰინჯები ბრიტანული კოლონიალიზმის პერიოდში ბანგლადეშიდან მიანმარში ჩაასახლეს.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა