"ევროპული საქართველოს" წევრი ირმა ნადირაშვილი, პრემიერ-მინისტრსა და გია გაჩეჩილაძის შორის არსებულ უთანხმობას ეხმაურება. 

"კვირიკაშვილის ძმაკაცებმა სახელმწიფო ფული ვერ გაიყვეს. ქვეყანა მიაქვს კორუფციას და სანამ პრემიერის ძმაკაცებმა არ დაიწყეს ამაზე საუბარი ამ პრობლემის აღიარება საერთოდ არავის არ უნდოდა. მეორე პრობლემაა, რომ გარედან ეს ყველაფერი ძალიან არაჯანსაღად გამოიყურება. როდესაც მესიჯებით ვერ მოაგვარეს პრობლემა საჯარო სივრცეში გადმოვიდნენ და დაიწყეს ამ თემის განხილვა", - განაცხადა ირმა ნადირაშვილმა. 

შეგახსენებთ, გია გაჩეჩილაძემ (უცნობი) გუშინ გამართულ ბრიფინგზე სახელმწიფო შესყიდვებში უსამართლო პირობების არსებობაზე ისაუბრა და აღნიშნა, რომ სახელმწიფოს ცალკეულ კერძო კომპანიებთან კარტელური გარიგებები აკავშირებს. აღნიშნულ ბრალდებებს ქვეყნის პრემიერ-მინისტრი გიორგი კვირკაშვილი უკვე გამოეხმაურა. კვირიკაშვილმა აღნიშნა, რომ ტენდერი რომელზეც გაჩეჩილაძე საუბრობს, კანონის დაცვით ჩატარდა. "თუ გია გაჩეჩილაძის ბრალდებები დადასტურდა, მზად ვარ, თანამდებობა დავტოვო", - დასძინა პრემიერმა. კვირიკაშვილის პასუხის შემდეგ, გაჩეჩილაძემ მორიგი კომენტარი გააკეთა და განაცხადა: "თუ ეს ყველაფერი დასაბუთდება, პრემიერს მხოლოდ ბოდიშს კი არ მოვუხდი, მუხლებზეც დავუდგები". 

ავტორი: ,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის