ევროსაბჭოს პრეზიდენტი ან ბრასორი საქართველოს პარლამენტში სიტყვით გამოვიდა. 

ბრასორი ქართველ დეპუტატებს ქართულად  მიესალმა და გამოსვლის დასასრულს ქართულად დაემშვიდობა. 

მან ქართველ ლიდერებს  სტუმართ–მასპინძლობისთვის მადლობა გადაუხადა. 

„დიდი პატივია, რომ თქვენს წინაშე წავრსდგე და სიტყვით გამოვიდე, თუმცა ეს სიუპრიზი იყო ჩემთვის, მაგრამ მე ყოველთვის მირჩევნია მომზადებული ვიყო, ვიდრე ასე იმპროვიზირებული სიტყვით  გამოვიდე.  პირველ რიგში, მადლობა მინდა გადაგიხადოთ  იმ სტუმართ–მასპინძლობისთვის, რაც აქ მივიღეთ, ამ ქვეყანაში  ყოფნის დროს.  როგორც ევროპის საბჭოს პრეზიდენტისთვის, ჩემთვის ძალიან მნიშვნელოვანია, რომ ჩამოვიდე ქვეყანაში და პიროვნულად შევხვდე ხალხს, გავიცნო ქვეყანა, ქვეყნის კულტურა. დიდი მადლობა მინდა გადაგიხადოთ,  ვინც მე დამხვდა, პრემიერს, პარლამენტის თავჯდომარეს, როგორც უმრავლესობის, ისე უმცირესობის დეპუტატებს“, – აღნიშნა ბარსორიმ. 

ბრასორიმ ევროპის პარლამენტში საქართველოს წარმომადგენლებიც შეაფასა  და აღნიშნა, რომ ისინი ძალიან აქტიურად მუშაობენ. 

„პრაქტიკულად ჩვენ ყველანი ვეკუთვნით ერთ ოჯახს, რომელიც დამყარებულია დემოკრატიაზე, კანონის აღსრულებასა და თავისუფლებაზე“, – განაცხადა ბრასორიმ.

ევროსაბჭოს პრეზიდენტის თქმით, საქართველოში საჭიროა რეფორმები არჩევნების კანონში, სასამართლო სისტემაში. 

მისივე განცხადებით, დემოკრატიისა და კანონის აღსრულებლობისათვის საჭიროა, ქვეყანაში იყოს ძლიერი ინსტიტუციები. 

„ევროპის საბჭო თქვენს გვერდითაა, იმისათვის, რომ მხარი დაგიჭიროთ ყველაფერში, მხარი დაუჭიროს თქვენს კონსტიტუციას“, – აღნიშნა ან ბრასორიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა