შინაგან საქმეთა მინისტრის მოადგილე, ნინო ჯავახაძე და საქართველოში ამერიკის შეერთებული შტატების ელჩის მოადგილე, ელიზაბეთ რუდი ოჯახში ძალადობის წინააღმდეგ ბრძოლის საკითხებზე ტრენინგის დახურვის ცერემონიას დაესწრნენ.

„აშშ-ს ანტინარკოტიკული და სამართალდამცავ სტრუქტურებთან ურთიერთობის საერთაშორისო ბიუროს დახმარებით, ჩვენი სამართალდამცველებისთვის ჩატარდა ტრენინგი, რომელიც მიზნად ისახავდა მათი ცნობიერების ამაღლებას ოჯახში ძალადობის წინააღმდეგ ბრძოლის მიმართულებით. ეს არის ძალიან სენსიტიური თემა და იგი შინაგან საქმეთა სამინისტროს სამინისტროს ერთ-ერთ პრიორიტეტს წარმოადგენს. ამ ტრენინგის ფარგლებში, სულ გადამზადდა 24 საპატრულო პოლიციის თანამშრომელი და უბნის ინსპექტორი. ჩვენ მადლობას ვუხდით ამერიკის შეერთებული შტატების მთავრობას თანამშრომლობისთვის“, - აღნიშნა ნინო ჯავახაძემ.

შს მინისტრის მოადგილემ და საქართველოში ამერიკის შეერთებული შტატების ელჩის მოადგილემ ტრენინგის მონაწილეებს შესაბამისი სერტიფიკატები გადასცეს.

სწავლება აშშ-ს სახელმწიფო ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს (INL) ორგანიზებით ჩატარდა. ტრენინგზე ამერიკელმა ექსპერტებმა შინაგან საქმეთა სამინისტროს თბილისისა და რეგიონების პოლიციის დეპარტამენტების და საპატრულო პოლიციის დეპარტამენტის თანამშრომლები ოჯახში ძალადობის წინააღმდეგ ბრძოლის საკითხებზე გადაამზადეს.

სწავლების მიზანი იყო ოჯახში ძალადობის წინააღმდეგ ბრძოლის მეთოდების დახვეწა, ინციდენტებზე ადეკვატური რეაგირების გაძლიერება და აღნიშნული მიმართულებით სამართალდამცველთა კვალიფიკაციის ამაღლება.

(NS)

ავტორი: ,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა