საქართველოს თავდაცვის ახალი მინისტრი თინა ხიდაშელი პირობას დებს, რომ ჯარსა და დანარჩენ საზოგადოებას შორის მეტი კონტაქტი იქნება. ამის შესახებ ხიდაშელმა იურიდიულ საკითხთა, ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროებისა და საპროცედურო საკითხთა და წესების კომიტეტების გაერთიანებულ სხდომაზე დეპუტატ ზაქარია ქუცნაშვილის კითხვაზე პასუხისას განაცხადა. ქუცნაშვილი დაინტერესდა, რამდენად სწორად მიაჩნია ახალ თავდაცვის მინისტრს, რომ  შეიარაღებული ძალების,  შეიარაღების,  სამხედრო მოსამსახურეების დათვალიერების უფლება არის მხოლოდ თვითმმართველი ქალაქების უფლება.  დეპუტატი ფიქრობს, რომ ეს უფლება მუნიციპალიტეტის მოსახლეობასაც უნდა ჰქონდეს.
"ჩემთვის ერთ-ერთი პრიორიტეტი მართლაც გამჭვირვალობაა, სადაც არ უნდა ვიყო.გამჭვირვალობა მხოლოდ დოკუმენტებზე ხელმისაწვდომობას არ ნიშნავს.ის იმასაც გულისხმობს,რაც თქვენ ბრძანეთ. ამ თვალსზრისით ჩვენ უკვე დავიწყეთ საუბრები და მათ შორის გენერალურ შტაბთან.გაგიკვირდებათ იმდენად საინტერესო წინადადებები, პროექტები აქვთ მათ, რომელიც უკვე მრავალი წელია აქვთ, მაგრამ სამწუხაროდ, მათი რეალიზება არ მომხდარა. პირობას გაძლევთ, თუ სადმე დიდი გარღვევა გვექნება, იქნება სწორედ ამ თვალსაზრისით,რომ უფრო მეტი სიახლოვე, მეტი კონტაქტი, მეტი გახსნილობა, მეტი ურთიერთობა იქნება ჯარსა და დანარჩენ საზოგადოებას შორის",-განაცხადა თინა ხიდაშელმა.
ამასთან, ხიდაშელმა აღნიშნა, რომ როგორც შარშან, წელსაც 26 მაისს სამხედრო ტექნიკა გამოიფინება. მისივე თქმით, ტექნიკის გამოფენა მომავალში უფრო ფართომასშტაბიან ტერიტორიებზე უნდა მოხდეს.
"26 მაისს იქნება ის დღე, როდესაც ხელით შეეხებიან, მათ შორის სამხედრო ტექნიკასაც. შარშანაც იყო და წელსაც იგეგმება  ანალოგიური ტიპის გამოფენა. ამ ეტაპზე უფრო ფართომასშტაბიანის გაკეთება რთულია, მგრამ თანდათანობით გეოგრაფიული წერტილები უნდა დავამტოთ",-განაცხადა თინა ხიდაშელმა.
გარდა ამისა, ხიდაშელმა ირაკლი სესიაშვილის კითხვაზე- თუ გაეცნო  სამხედრო სარეზერვო სამსახურის კონცეფციის პროექტს და თუ აქვს  ხედვა,  როდის შეიძლება ეს სიტემა ამოქმედდეს, უპასუხა, რომ კონცეფცია ჯერ არ წაუკითხავს. რაც შეეხება თავდაცვის კანონს, ხიდაშელი ამბობს, რომ კანონმდებლობა აუცილებლად მოწესრიგდება.
"კონცეფცია ჯერ არ წამიკითხვას, რეზერვამდე არ მივსულვარ. თავდაცვის კანონი და არამხოლოდ  თავდაცვის, კანონმდებლობის მოწესრიგება იქნება ერთ-ერთი ძლიერი მხარე, რაც იურისტ მინისტრს შესამჩნევს გახდის",-განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა