ჰილარი კლინტონი თვლის, რომ მის დამარცხებაში კრემლმა მნიშვნელოვანი როლი შეასრულა

2017-11-23 14:32:01, 2768 ნახვა

მსოფლიო

ამერიკის შეერთებული შტატების ყოფილი სახელმწიფო მდივნის და პრეზიდენტობის ყოფილი კანდიდატის ჰილარი კლინტონის განცხადებით, თეთრი სახლის ლიდერი დონალდ ტრამპი რუს ჰაკერებს აქეზებდა, - ამის შესახებ უცხოური მედია იუწყება.

როგორც კლინტონმა აღნიშნა, ტრამპის გამო, ჰაკერები ცდილობდნენ, მის წინააღმდეგ რაიმე სამხილი მოეპოვებინათ.

„რუსმა ჰაკერებმა, რომლებსაც მაშინ ჯერ კიდევ პრეზიდენტობის კანდიდატი დონალდ ტრამპი აქეზებდა, ყველაფერი გააკეთეს, რომ ჩემ წინააღმდეგ რაიმე სამხილი ეპოვათ. რომ აშშ კიბერთავდასხმებს ჩრდილოეთ კორეიდან, ირანიდან და ჩინეთიდანაც მოელოდა, თუმცა ამერიკულ დემოკრატიას მხოლოდ რუსეთმა შეუტია“, - განაცხადა კლინტონმა.

გარდა ამისა, დემოკრატიული პარტიის წევრმა ახალი წიგნი „რა მოხდა“ (What Happened) გამოსცა. კლინტონი თავის მემუარებში დონალდ ტრამპთან დამარცხების მიზეზებზე საუბრობს და აღნიშნავს, რომ მის დამარცხებაში კრემლმა მნიშვნელოვანი როლი შეასრულა.

პრეზიდენტობის ყოფილი კანდიდატის შეფასებით, რუსეთი ინტერნეტს დასავლეთის დესტაბილიზაციისა და დემოკრატიის განადგურებისთვის იყენებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები