ბერი გაბრიელ სალოსის ქუჩაზე ანტიტერორისტული სპეცოპერაცია გრძელდება.

ადგილზე სამართალდამცველებს რამდენიმე კორპუსის შესასვლელი აქვთ ბლოკირებული.

არსებული ინფორმაციით, სპეცრაზმი ორი პირის აყვანას ცდილობს, რომლებიც ერთ-ერთი საცხოვრებელი კორპუსის ბინაში იმყოფებიან. ისინი სავარაუდოდ, ტერორიზმთან კავშირში არიან ეჭვმიტანილი.

გამთენიისას ადგილზე ძლიერი აფეთქებებისა და სროლის ხმა ისმოდა. ამასთან, როგორც ადგილობრივები აცხადებენ, საცხოვრებელი კორპუსიდან, სადაც სპეცოპერაცია მიმდინარეობს, მოსახლეობის ევაკუაცია განხორციელდა.

დაკავების სპეცოპერაცია უკვე 15 საათზე მეტია მიმდინარეობს.

სპეცოპერაციასთან დაკავშირებით მცირე კომენტარი სახელმწიფო უსაფრთხოების სამსახურმა გაავრცელა, სადაც აღნიშნულია, რომ პირებმა, რომელთა დაკავების ოპერაციაც მიმდინარეობს, პოლიციის მიმართულებით ცეცხლი გახსნეს.

„სახელმწიფო უსაფრთხოების სამსახურის კონტრტერორისტული დეპარტამენტი ბერი გაბრიელ სალოსის ქუჩაზე სპეცოპერაციას ატარებს. პირებმა, რომელთა დაკავების ოპერაციაც მიმდინარეობს, სპეციალური დანაყოფის მიმართულებით ცეცხლი გახსნეს. ამ დროისთვის ისინი ერთ-ერთ საცხოვრებელ ბინაში იმყოფებიან. სპეცოპერაციის ადგილის მიმდებარე ტერიტორიაზე მცხოვრები მოსახლეობის უსაფრთხოება დაცულია“, - ნათქვამია სახელმწიფო უსაფრთხოების სამსახურის განცხადებაში.

ადგილზე საპატრულო და კრიმინალური პოლიციის გარდა, სასწრაფო სამედიცინო ბრიგადა, ასევე სახანძრო და სამაშველო ეკიპაჟები არიან მობილიზებული. 

ავტორი: ,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა