თბილისის საქალაქო სასამართლომ დემირელის კოლეჯის პედაგოგის მუსტაფა ემრე ჩაბუქის სარჩელი არ დააკმაყოფილა.

მოსამართლეს უნდა მიეღო გადაწყვეტილება, დააკმაყოფილებდა თუ არა ჩაბუქის სარჩელს, ლტოვილტა სამინისტროს წინააღმდეგ, თუმცა სასამართლომ სამინისტროს გადაწყვეტილება ძალაში დატოვა. დაკმაყოფილების შემთხვევაში ლტოლვილთა სამინისტროს აქტი, ჩაბუქისთვის ლტოლვილის სტატუსზე უარის თქმასთან დაკავშირებით ბათილად იქნებოდა ცნობილი. 

სხდომაზე ჩაბუქი სიტყვით გამოვიდა და განაცხადა, რომ 2016 წელს თურქეთში მომხდარ პუტჩში მონაწილეობა არ მიუღია. 

„ოჯახის გამო მეშინია. ჩემი ოჯახი თურქეთში ვერ ჩავა. იმედი მაქვს, სასამართლო გაითვალისწინებს ამას“, – განაცხადა მუსტაფა ემრე ჩაბუქმა სასამართლო პროცესზე.

მანვე აღნიშნა, რომ მუსლიმი მქადაგებლის იდელოგიას ხშირად კითხულობს, თუმცა ეს არაფერს ნიშნავს.

"ვკითხულობ ფეთჰულა გიულენის იდეოლოგიას და მომწონს. ასევე ვკითხულობ ჰიტლერზე, ვინტერესდები კომუნიზმით, თუმცა ეს არაფერს ნიშნავს. მე გადატრიალების მცდელობაში მონაწილეობა არ მიმიღია", - დასძინა ჩაბუქმა. 

შეგახსენებთ, რომ მუსტაფა ემრე ჩაბუქი, თურქეთის ხელისუფლების მოთხოვნით, 24 მაისს საქართველოში დააკავეს. მას თბილისის საქალაქო სასამართლომ წინასაექსტრადიციო სამთვიანი წინასწარი პატიმრობა შეუფარდა. გარდა ამისა, დაცვის მხარემ ლტოლვილთა სამინისტროს დევნილის სტატუსის მინიჭების თაობაზე მიმართა, რაზეც უარი მიიღო. 

ავტორი: ,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა