„ლარიზაცია წარმატებული და ამავე დროს, გრძელვადიანი პროექტია", - ამის შესახებ პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა შემაჯამებელ სიტყვაში განაცხადა, რომელიც მან პარლამენტში 2018 წლის ბიუჯეტის განხილვისას წარმოთქვა.

როგორც მან აღნიშნა, ლარიზაციის პროექტი საქართველოს ეკონომიკისა და მოსახლეობის უცხოურ ვალუტაზე დამოკიდებულების შემცირებას ითვალისწინებს.

„ეს არ არის მხოლოდ საქართველოს სინდრომი. თქვენ შეგიძლიათ ძალიან ბევრი მაგალითი ნახოთ, როდესაც ქვეყნები ანალოგიურ სინდრომს ებრძვიან და შესაბამისად, რაც ჩვენ გავაკეთეთ ეროვნულ ბანკთან ერთად, იყო იმ საუკეთესო გამოცდილების ნაკრები, რომელიც შევაგროვეთ. გარდა ამისა, აღნიშნული რეფორმა სრულად იყო გავლილი საერთაშორისო ექსპერტებთან", - განაცხადა პირველმა ვიცე-პრემიერმა.

მან მოიყვანა სტატისტიკა, რომლის მიხედვითაც სესხების ლარიზაცია 34.9%-დან 43%-მდეა გაზრდილი, მიკროსაფინანსო ორგანიზაციებში სესხების 70% კი დღეს ლარშია გაცემული.

„სწორედ ეს მოხსნის იმ უარყოფით გავლენებს, რომელიც ჩვენ შეიძლება გვქონდეს", - განაცხადა დიმიტრი ქუმსიშვილმა.

(NS)

ავტორი: ,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს