ადამიანის უფლებათა დაცვის კომიტეტის თავმჯდომარის სოფიო კილაძის განცხადებით, ნუცუბიძის ქუჩაზე ახალგაზრდა მამაკაცის გარდაცვალების ფაქტი პოლიტიკოსებმა საკუთარი ვიწრო პოლიტიკური  მიზნებისთვის არ უნდა გამოიყენონ.

როგორც კილაძემ ტელეკომპანია „პირველის“ ეთერში აღნიშნა, უდანაშაულობის პრეზუმფცია ყველა ადამიანზე თანაბრად  ვრცელდება  და გამოძიების დასრულებამდე დასკვნების გამოტანა მიზანშეუწონელია:

„ეს ვიწრო პოლიტიკური მიზნებისთვის არ შეიძლება გამოიყენოს ადამიანმა. ამიტომ, მოვუწოდებ ჩემს კოლეგებს, პოლიტიკოსებს, უფრო ფრთხილად მოვეკიდოთ ადამიანის უფლებებს იმიტომ, რომ ყველა ადამიანს აქვს თანაბარი უფლება და ყველაზე თანაბრად ვრცელდება უდანაშაულობის პრეზუმფცია და ასეთი ტრაგედიების გამოყენება საკუთარი ვიწრო პოლიტიკური მიზნებისთვის,  არაკანონიერებას რომ თავი დავანებოთ, ამორალურია. ყველა ადამიანის უფლება უნდა გვაღელვებდეს“,-აღნიშნა სოფიო კილაძემ.

მთავარი პროკურატურამ  ნუცუბიძის მე-4 პლატოზე მამაკაცის გარდაცვალებასთან დაკავშირებით ცოტა ხნის წინ განცხადება გაავრცელა, სადაც ნათქვამია, რომ გამოძიების ამ ეტაპზე უკვე გამოიკითხნენ საპატრულო პოლიციის თანამშრომლები, თვითმხილველი მოწმეები და გარდაცვლილის ოჯახის წევრები.

„საქართველოს პროკურატურამ, 2017 წლის 25 ოქტომბერს მიღებული შეტყობინების საფუძველზე დაიწყო გამოძიება ქ. თბილისში, ნუცუბიძის ფერდობზე მოქალაქე პ.პ.-ს სიცოცხლის გაუფრთხილებლობით მოსპობის შესაძლო ფაქტზე, საქართველოს სისხლის სამართლის კოდექსის 116-ე მუხლის პირველი ნაწილით.

საქმეზე დაგეგმილია და მიმდინარეობს ყველა აუცილებელი საგამოძიებო და საპროცესო მოქმედება სრულყოფილი და ობიექტური გამოძიების უზრუნველსაყოფად. კერძოდ: გარდაცვალების მიზეზის დადგენის მიზნით დანიშნულია სასამართლო-სამედიცინო ექსპერტიზა; მიმდინარეობს შესაბამისი საგამოძიებო მოქმედებები საქმესთან კავშირში მყოფი ვიდეოჩანაწერების  მოპოვების მიზნით. გამოძიების ამ ეტაპზე უკვე გამოიკითხნენ საპატრულო პოლიციის თანამშრომლები,  თვითმხილველი მოწმეები და გარდაცვლილის ოჯახის წევრები. საქმეზე მაქსიმალურად სწრაფად და ეფექტურად ჩატარდება ყველა საჭირო საგამოძიებო და საპროცესო მოქმედება. გამოძიების შედეგების შესახებ დამატებით ეცნობება საზოგადოებას“, - აღნიშნულია პროკურატურის განცხადებაში.

ავტორი: ,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს