2015-05-02 11:45:44, 717 ნახვა
სამართალი
ჭავჭავაძის გამზირზე „პროკრედიტ ბანკის“ ფილიალი დააყაჩაღეს
თბილისში, ჭავჭავაძის გამზირზე მდებარე „პროკრედიტ ბანკის“ ფილიალი დააყაჩაღეს.
ამის შესახებ „ექსპრესნიუსის“ კორესპონდენტი ადგილიდან იუწყება.
თვითმხილველების ინფორმაციით, თავდამსხმელი შეიარაღებული იყო. ჯერჯერობით უცნობია რა ოდენობის თანხაა წაღებული.
ადგილზე მობილიზებულია საპატრულო პოლიცია.
როგორც „ექსპრესნიუსს“ შინაგან საქმეთა სამინისტროს პრესსამსახურში განუცხადეს, მომხდართან დაკავშირებით სისხლის სამართლის საქმე 179-ე მუხლით არის აღძღული, რაც ყაჩაღობას გულისხმობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
