გრანშანის (GRANSHAN) არალათინური ფონტების და ტიპოგრაფიის კვირეულზე, რომელიც წელს ერევანში იმართება,  ქართველი ტიპოგრაფიკოსების ნამუშევრები  პირველად იქნება წარმოდგენილი.

ნამუშევრების გამოფენაზე წარდგენა ასოციაცია „ქართული შრიფტის" ორგანიზებითა და თიბისი ბანკის პროექტის #წერექართულად მხარდაჭერით ხორციელდება.

კვირეულზე წარმოდგენილი იქნება სხვადასხვა თაობის ქართველი მხატვრების მიერ სხვადასხვა დროს შექმნილი შრიფტები, მათ შორის ხელით შესრულებული და პოლიგრაფიული შრიფტისა და ფონტების ნიმუშები.

ნამუშევრებს გრანშანის კვირეულზე გრაფიკოს-დიზაინერი, ტიპოგრაფიკოსი ნინო ჯიშკარიანი წარადგენს.

კვირეულის ფარგლებში დაგეგმილია კონფერენციის გამართვაც, სადაც ტიპოგრაფიის თემაზე კვლევები იქნება წარმოდგენილი. კონფერენციას  წელს 40-მდე მკვლევარი დაესწრება მსოფლიოს სხვადასხვა  ქვეყნიდან, მათ შორის საქართველოდან. შრიფტის დიზაინერი, ტიპოგრაფიკოსი გიგა ხატიაშვილი კონფერენციაზე ისაუბრებს ქართული შრიფტის წარმომავლობაზე, მის განვითარებასა და პრობლემატიკაზე, ასევე თიბისი ბანკის  პროექტის  #წერექართულად შესახებ.

გრანშანის მიზანს არალათინური შრიფტის პოპულარიზაციის ხელშეწყობა წარმოადგენს. კონკურსში მონაწილეობას იღებენ არამარტო ისეთი დამწერლობები, რომლებიც მსოფლიოში ფართოდ გამოიყენება, არამედ  ისეთებიც, რომლებსაც მხოლოდ მოსახლეობის ძალიან მცირე ნაწილი იყენებს და მივიწყების საფრთხის წინაშეა.

კვირეულის ფარგლებში,  კონკურსისა და კონფერენციის გარდა გაიმართება ფონტების გამოფენა და საუკეთესო ფონტების გამოვლენის ღონისძიება.

წელს გრანშანის საიუბილეო თარიღია და მისი დაარსებიდან 10 წელი  აღინიშნება.

(R)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს