პარლამენტის განათლებისა და მეცნიერების კომიტეტის თავმჯდომარე მარიამ ჯაში მარნეულში სკოლის მოსწავლეების პოლიტიკურ აგიტაციაში მონაწილეობის ფაქტს გამოეხმაურა.

ჯაშის თქმით, საკითხს უწყებათაშორისი კომისია შეისწავლის და შესაბამისი რეაგირება მოხდება. ამასთან, ჯაში არ გამორიცხავს, რომ დარღვევები

 პროვოკაციის მიზნით ხდებოდეს,  რადგან მისივე მტკიცებით,  ასეთი დეპოლიტიზირებული, პოლიტიკისგან  თავისუფალი განათლების სისტემა საქართველოს არასდროს ჰქონია:

"სწორედ "ქართული ოცნების", მმართველი გუნდის პერიოდში ხდება განათლების სისტემის დეპოლიტიზაცია. თუკი მსგავსი დარღვევები ხდება, არსებობს უწყებათაშორისი კომისია და შესაბამისი რეაგირება მოხდება",-აღნიშნა ჯაშმა.

ის კატეგორიულად გამორიცხავს აგიტაციაში განათლების კომიტეტის  მონაწილეობას:

"იყო საუბარი განათლების კომიტეტის მონაწილეობასთან დაკავშირებით, ეს არის აბსოლუტურად  უსაფუძვლო ბრალდება. ამ ბრალდებას არც ვუპასუხებ. თუ კი ხდება კონკრეტულ შემთხვევებში დარღვევები, არ არის გამორიცხული, ეს იყოს პროვოკაციის მიზნით,  რადგან ასეთი დეპოლიტიზირებული და პოლიტიკისგან  თავისუფალი განათლების სისტემა საქართველოს არასდროს ჰქონია. ჩემთვის უცნობია,  ვინ მიიყვანა ეს მოსწავლეები. კომისია შეისწავლის და მოხდება შესაბამისი რეაგირება",-განაცხადა მარიამ ჯაშმა.

ავტორი: ,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს