შსს-ს საგანგებო სიტუაციების მართვის სააგენტოს დირექტორმა ზვიად ქაწაშვილმა და ივ.ჯავახიშვილის სახელობის თბილისის სახელმწიფო უნივერსიტეტის რექტორმა ვლადიმერ პაპავამ ურთიერთთნამშრომლობის მემორანდუმი გააფორმეს.

აღნიშნული მემორანდუმის გაფორმება წარმოადგენს მიმდინარე წლის 18 მარტს, ქ.სენდაიში, კატასტროფების რისკის შემცირების საკითხებთან დაკავშირებით გამართულ მსოფლიოს უმაღლეს ფორუმზე მიღებული ჩარჩო-პროგრამით საგანმანათლებლო სფეროში დაგეგმილ მოთხოვნათა შესრულების პირველ ეტაპს. ჩარჩო პროგრამა, გულისხმობს კატასტროფების პრევენციის, მიტიგაციის, მზადყოფნის, რეაგირების, აღდგენის და რეაბილიტაციის შესახებ ცოდნის შეძენა-გაღრმავებას.

ხელშეკრულების გაფორმებით, მოქმედი კანონმდებლობის ფარგლებში, შესაძლებელი გახდება უსაფრთხოების საკითხებთან დაკავშირებით საზოგადოებრივი, საინფორმაციო და საგანმანათლებლო ღონისძიებების განხორციელება. მემორანდუმი ასევე, გულისხმობს საგანგებო სიტუაციების პრევენციის, მათზე რეაგირების მოთხოვნების და უსაფრთხოების სწავლების უზრუნველყოფის მიზნით სასწავლო პროგრამების მომზადებასა და მათი დანერგვის ხელშეწყობას.

ურთიერთთანამშრომლობის საფუძველზე შემუშავდება სამოქმედო გეგმა, რომლის მიხედვიდაც მომზადდება სპეციალური სასწავლო კურსი უნივერსიტეტის ადმინისტრაციული პერსონალის მოსამზადებლად და სათანადო ერთობლივი სწავლების განსახორციელებლად. მაგისტრანტებისთვის კი მომზადდება სასწავლო პროგრამა “საგანგებო სიტუაციების მართვა და უსაფრთხოება”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი: ჩვენ გვჭირდება ადამიანები სტრატეგიული ხედვითა და დიდი გამბედაობით

გარდაბანში ავარიის შედეგად 8 ადამიანიდან 7 ადგილზე დაიღუპა, ერთი კრიტიკულ მადგომარეობაშია - ვიდეო

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას