სანკტ-პეტერბურგის "მარიას თეატრის" სამხატვრო ხელმძღვანელი ვალერი გერგიევი „დიდი კავკასიის“ რეგიონში შემოქმედებითი პროექტების განხორციელებას გეგმავს, - ამის შესახებ Iz.ru იუწყება.

როგორც გერგიევმა ვლადიკავკაზში კავკასიური ფესტივალის ფარგლებში გამართულ პრესკონფერენციაზე აღნიშნა, აუცილებელია უმწვავესი წინააღმდეგობების დაძლევა, რომელიც 15-20 წლის განმავლობაში შეიქმნა.

„დიდ კავკასიას არ ვყოფთ. ვოცნებობ იმაზე, რომ ფესტივალი მთელ კავკასიაში ჩატარდეს. მინდა, რომ კავკასიის დიდმა რეგიონმა ძველი ურთიერთობების აღდგენა კვლავ შეძლოს. მინდა ფესტივალი ჩატარდეს, საინგილოში, ჩეჩნეთში, დაღესტანში, დონის-როსტოვში, ბაქოში, ერევანში, თბილისში, სამხრეთ ოსეთში და აფხაზეთში. „დიდი კავკასიის“ რეგიონის წარმომადგენლებს შესაძლებლობა მიეცემათ, ნებისმიერ ქალაქში - ვლადიკავკაზში, ბათუმში, ბაქოსა თუ ერევანში - ერთ სცენაზე ერთად გამოვიდნენ. აუცილებელია უმწვავესი წინააღმდეგობების დაძლევა, რომელიც 15-20 წლის განმავლობაში შეიქმნა და ამას მუსიკოსებზე უკეთ ვერავინ მოახერხებს. საქართველოში ეს ყველაზე რთული იქნება, ბუნებრივი მიზეზების გამო, თუმცა ამ გზით ვცდილობ, კოლეგებს შორის კავშირების გამყარებას. სრულიად აპოლიტიკურები ვართ“, - განაცხადა გერგიევმა.

ცნობისთვის, ვალერი გერგიევმა ოკუპირებულ ცხინვალში, ომის დასრულებიდან რამდენიმე დღეში, 22 აგვისტოს კონცერტი გამართა.

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე