ფინანსთა მინისტრის მოადგილე ცოტნე ყავლაშვილმა ლარიზაციის მიმართულებით განხორციელებული სახელისუფლებო რეფორმები წარმატებულად შეაფასა.

მისი განცხადებით, ეს საკითხი უმნიშვნელოვანესია მოსახლეობისთვის, რადგან ლარიზაცია მათ სავალუტო კურსის მერყეობაზე ნაკლებად დამოკიდებულს ხდის.

„2017 წლის იანვრისთვის, როდესაც ჩვენ ლარიზაციის რეფორმას ვიწყებდით, საერთო სასესხო პორტფელში ლარში გაცემული სესხების მოცულობა 35 პროცენტს არ აღემატებოდა. 8 თვის შემდეგ, ეს მაჩვენებელი 8 პროცენტული პუნქტით გაიზარდა და 43 პროცენტი შეადგინა. ეს ძალიან მნიშვნელოვანი მიღწევაა“, - განაცხადა ფინანსთა მინისტრის მოადგილემ.

ამასთან, ცოტნე ყავლაშვილის შეფასებით, ლარიზაციის წარმატებული შედეგები გამოიწვია შემდეგმა გადაწყვეტილებებმა: სესხების გალარების პროგრამამ; ბიზნესისთვის მოგების გადასახადის რეფორმის ფარგლებში საინვესტიციო რესურსის დატოვებამ; სახაზინო სამსახურის მიერ განხორციელებულმა რეფორმამ ლიკვიდობის მიწოდებასთან დაკავშირებით და სხვა.

(NS)

ავტორი: ,

სოციალური ქსელები

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა

ნიკა გვარამია: ღარიბაშვილს მოსაყოლი ისტორია აქვს