პრემიერ–მინისტრი ირაკლი ღარიბაშვილი ახალგაზრდული ოლიმპიური ფესტივალის, „თბილისი 2015“–ის  მოსამზადებელი სამუშაოების შესრულების ტემპით დაინტერესდა.  მთავრობის მეთაურს  სპორტული ობიექტების მშენებლობის შესახებ ინფორმაცია თბილისის მერმა დავით ნარმანიამ და ფესტივალის საორგანიზაციო კომიტეტის წევრებმა ევროპის ახალგაზრდული  ოლიმპიური ფესტივალის ჩატარების ხელშემწყობი სამთავრობო კომისიის  სხდომაზე მიაწოდეს.
„დღეს ჩვენ შევიკრიბეთ, რათა კიდევ ერთხელ გავეცნოთ, თუ როგორ მიმდინარეობს სამუშაოები, რა სიტუაცია გვაქვს ობიექტებზე, ხომ არ გვაქვს სადმე ჩამორჩენა და ზოგადად როგორია შესრულების ტემპი,“–განაცხადა ირაკლი ღარიბაშვილმა სხდომის დაწყების წინ.
კომისიის წევრებმა მიმდინარე ინფრასტრუქტურული პროექტები განიხილეს და გაეცნენ ოლიმპიური ჩირაღდნის დიზაინს.
პრემიერ–მინისტრი ევროპის ახალგაზრდული ოლიმპიური ფესტივალის გახსნის და დახურვის ცერემონიის სცენარითაც დაინტერესდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა