„ზოგადად ძალიან უცნაურია, რომ ერთი ქვეყნის პრეზიდენტი მიდის სხვა ქვეყანაში და იღებს მოქალაქეობას, გაკოტრებული პოლიტიკოსი დაინახა უკრაინის ხელისუფლებამაც“,-ამის შესახებ მთავრობის სხდომის დასრულების შემდეგ ლტოლვილთა და განსახლების მინისტრმა სოზარ სუბარმა ჟურნალისტებს განუცხადა.

 როგორც მინისტრმა აღნიშნა, სააკაშვილს აბსოლუტურად კანონიერად ჩამოერთვა საქართველოს მოქალაქეობა, როცა მან სხვა ქვეყნის მოქალაქეობა მიიღო.

"უკრაინელი ხელისუფლების მხრიდან რაც წავიკითხე ისაა, რომ სააკაშვილმა მოქალაქეობის მიღებისას გარკვეული ინფორმაცია დამალა. შესაბამისად, მიიღეს კანონის მიხედვით გადაწყვეტილება. დარწმუნებული ვარ, რომ ისინი იმოქმედებენ კანონის შესაბამისად. რაც შეეხება, ექსტრადიციის საკითხს ამაზე არსებობს ჩვეულებრივი პროცედურები და ამ მხრივ არავინ არ იქნება ერთმანეთისგან განსხვავებული. დადგება დღე და ყველა დამნაშავე პასუხს აგებს. სააკაშვილს აბსოლუტურად კანონიერად ჩამოერთვა საქართველოს მოქალაქეობა, როცა მან სხვა ქვეყნის მოქალაქეობა მიიღო. ზოგადად ძალიან უცნაურია, რომ ერთი ქვეყნის პრეზიდენტი მიდის და სხვა ქვეყანაში იღებს მოქალაქეობას. გაკოტრებული პოლიტიკოსი დაინახა უკრაინის ხელისუფლებამაც", - განაცხადა სუბარმა.

როგორც ცნობილია, საქართველოს ექს პრეზიდენტ მიხეილ სააკაშვილისთვის უკრაინის მოქალაქეობა ჩამორთმეულია უკრაინის პრეზიდენტის ბრძანებით, მოქალაქეობის მიღების პროცედურის დროს არასწორი ინფორმაციის მიწოდების მოტივით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს