უმრავლესობის ლიდერის არჩილ თალაკვაძის განცხადებით, საქართველოს ამერიკელი ხალხის, მთავრობისა და კონგრესის ძლიერი მხარდაჭერა აქვს.

მისივე შეფასებით, ვაშინგტონში საქართველოს მიმართ მხარდაჭერა იზრდება.

„საქართველო მსოფლიოს ყველაზე ცხელ წერტილებში მეგობრების გვერდითაა და მეგობრებიც საქართველოს გამოწვევებთან მარტო არ ტოვებენ. ჩვენი ხელისუფლება პრაგმატულ საგარეო პოლიტიკას აგრძელებს", - აღნიშნა  არჩილ თალაკვაძემ.

410 მომხრე 6 წინააღმდეგი – ამერიკის კონგრესმა საქართველოს ტერიტორიული მთლიანობის მხარდამჭერი რეზოლუცია დაამტკიცა.

დოკუმენტის თანახმად, შტატები ნებისმიერი გარემოების მიუხედავად, არ ცნობს რუსეთის დე-ფაქტო კონტროლს საქართველოს შემადგენელ რომელიმე ნაწილზე.

როგორც კანონპროექტშია აღნიშნული,  აშშ-ის პრეზიდენტმა  დონალდ ტრამპმა რუსეთის ფედერაციას უნდა მოუწოდოს  საქართველოდან, უკრაინიდან და მოლდოვადან ჯარი გაიყვანოს  და საზღვრებზე კონტროლი ამ ქვეყნების ხელისუფლებებს დაუბრუნოს.  

გარდა ამისა,  კანონპროექტში ნათქვამია, რომ რუსეთის არ ასრულებს 2008 წლის ცეცხლის შეწყვეტის შესახებ შეთანხმებას.  

აღსანიშნავია, რომ დოკუმენტი ევროპისა  და ევრაზიის ქვეყნების მხარდასაჭერად 2018-2019 წლებში  250 მილიონი დოლარის გამოყოფას ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს