საქართველოს ენერგეტიკისა და წყალმომარაგების მარეგულირებელი ეროვნული კომისიის ინფორმაციით, სამომხმარებლო ტარიფების კორექტირება სავარაუდოდ გარდაუვალი იქნება.

ამის შესახებ სემეკ-ის წარმომადგენელმა „ექსპრესნიუსს“ კომისიისადმი „ენერგო-პრო ჯორჯიას“ მიერ ტარიფების კორექტირების თხოვნით მიმართვის საკითხის კომენტირებისას განუცხადა.

სემეკ-ის ტარიფებისა და ეკონომიკური ანალიზის დეპარტამენტის დირექტორის მოადგილის ლევან გენძეხაძის განცხადებით, „ენერგო-პრო ჯორჯიას“ მიმართვის ძირითადი საფუძველი გამანაწილებელი კომპანიისთვის შესყიდული ელექტროენერგიის ფასის ცვლილებაა.

„ენერგო-პრო ჯორჯიას“ საქმიანობა გულისხმობას ელექტროენერგიის შესყიდვასა და განაწილებას მომხმარებლებისათვის. ეს ნიშნავს, რომ სამომხმარებლო ტარიფი შეიცვლება როგორც იურიდიული პირებისათვის, ასევე რიგითი მოქალაქეებისათვის. კომპანიის მიერ შესყიდულ ელექტროენერგიაში გადახდილი თანხის ცვლილება გამოწვეულია ზოგადად ქვეყანაში არსებული ეკონომიკური მდგომარეობით. თუმცა, საუბარი იმის შესახებ, თუ რა მიმართულებით დაკორექტირდება ტარიფი, ჯერჯერობით ნაადრევია", - განაცხადა ლევან გენძეხაძემ. 

მისივე ინფორმაციით, სემეკმა შესაბამისი გადაწყვეტილება და ტარიფის დადგენა 150 დღეში უნდა მოახდინოს. შეგახსენებთ, "ენერგო-პრო ჯორჯიამ" საქართველოს ენერგეტიკისა და წყალმომარაგების მარეგულირებელ ეროვნულ კომისიას ტარიფის კორექტირების თხოვნით მიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება