„ჩემთვის მიუღებელია ეთნიკური ნიშნით  ქსენოფობიური და დისკრიმინაციული გამოხტომები“,-ამის შესახებ შერიგებისა და სამოქალაქო  თანასწორობის საკითხებში სახელმწიფო მინისტრმა ქეთევან ციხელაშვილმა „ქართველთა მარშის“  ჩატარებასთან  დაკავშირებით განაცხადა.

თუმცა, მინისტრის თქმით, დემოკრატიულ ქვეყანაში აზრის გამოხატვის თავისუფლება ბუნებრივი მოვლენაა.

„ეს არის დემოკრატიული ქვეყანა და აზრის გამოხატვის თავისუფლება არის ბუნებრივი მოვლენა და ეს ყველაფერი ჯდება კანონის ფარგლებში. ჩემთვის არის მიუღებელი ქსენოფობიური დისკრიმინაციული გამოხტომები ეთნიკური ნიშნით. მე ვიცი რომ ამ აქციას ჰქონდა ასეთი სახე. ჩემი სამინისტრო მუშაობს სამოქალაქო თანასწორობის საკითხებზე და ამოსავალი  პრინციპი გახლავთ მოქალაქეების თანასწორობა ეთნიკური რელიგიური, თუ სხვა ნიშნის მიუხედავად. ჩვენ ვართ ის ქვეყანა,  რომელსაც აქვს ძალიან ძლიერი ტრადიციები ტოლერანტობისა, ძალიან სერიოზული კულტურული მემკვიდრეობა. ჩვენ ვართ ქვეყანა, რომელსა აქვს ძლიერი ტრადიციები სტუმართმოყვარეობისა და ვართ ქვეყანა, რომელიც ვაშენებთ თანამედროვე ევროპულ სახელმწიფოს დემოკრატიულ პრინციპებზე. ამიტომ ნებისმიერი ასეთი გამოხტომა, რომელიც შეიძლება ატარებდეს ქსენოფობიურ, დისკრიმინაციულ ხასიათს ეთნიკური ნიშნით, რა თქმა უნდა არის მიუღებელი და თუკი რაიმე ეპიზოდი შეიცავს სისხლის სამართლებრივი დანაშაულის ნიშნებს, რაც შეიძლება იყოს ძალადობის მუქარა, ვფიქრობ, რომ ამაზე სამართლებრივი რეაგირება უნდა მოხდეს”,-განაცხადა ციხელაშვილმა.

ამასთან, მინისტრმა ქალების მიმართ დისკრიმინაციულ  მიდგომაზე ისაუბრა:

“რაც შეეხება ქალების მიმართ დისკრიმინაციულ გამოხტომებს, ემ მინდა სოლიდარობა გამოვხატო ქალების მიმართ. მიმაჩნია, რომ აბსოლუტურად დაუშვებელია და ჩვენ არ ვართ ის სახელმწიფო რომელიც ასეთ პრინციპებს იზიარებს. ჩვენ არ ვართ ის საზოგადოება, რომელიც ტოლერანტული იქნება ქალების მიმართ რაიმე ფორმის დისკრიმინაციის მიმართ”,-აღნიშნა ციხელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს