საერთაშორისო კონფერენციის "საქართველოს ევროპული გზა - რეგიონული სტაბილურობის უზრუნველყოფის" ფარგლებში, საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ სამუშაო შეხვედრა გამართა ევროკომისიის ვიცე-პრეზიდენტთან/ევროკომისართან ენერგეტიკის საკითხებში მაროს შევჩოვიჩთან.

შეხვედრაზე მხარეებმა განიხილეს საქართველო-ევროკავშირის თანამშრომლობის გაღრმავების პერსპექტივები ისეთ სტრატეგიულ დარგში, როგორიცაა ენერგეტიკული უსაფრთხოება.

მხარეები მიესალმნენ საქართველოს მიერთებას ენერგეტიკული გაერთიანების დამფუძნებელ ხელშეკრულებასთან, რაც ქვეყნის ევროკავშირთან ინტეგრაციის გზაზე მნიშვნელოვანი წინგადადგმული ნაბიჯია და ქვეყანას კიდევ უფრო დააახლოებს ევროპის საერთო ენერგეტიკულ ბაზართან. ხაზი გაესვა იმ ფაქტს, რომ ენერგეტიკული გაერთიანების წევრობა, საქართველოს მისცემს შესაძლებლობას, აამაღლოს ენერგეტიკული უსაფრთხოების ხარისხი, ასევე, ხელი შეუწყოს განახლებადი ენერგეტიკული წყაროების განვითარებას და ენერგოეფექტურობას.

ევროკომისარმა ხაზი გაუსვა საქართველოს მზარდ სატრანზიტო პოტენციალს ევროპის ენერგეტიკული უსაფრთხოებისა და ენერგომარშრუტების დივერსიფიკაციის კონტექსტში.​

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა