საქართველოს ენერგეტიკის მინისტრი ილია ელოშვილი, რომელიც ამ პოზიციაზე დღეს დაინიშნა, პრემიერს ნდობისთვის მადლობას უხდის. ელოშვილის თქმით, ენერგეტიკის სამინისტრო წარმატებული უწყებაა და ყველაფერს გააკეთებს ამ მდგომარების  შესანარჩუნებლად და მიღწევების გასავითარებლად.

"მოგეხსენებათ, დღეს დავინიშნე ენერგეტიკის მინისტრად, რაც ჩემთვის არის დიდი პატივი. მინდა პრემიერ-მინისტრს გადავუხადო უდიდესი მადლობა ამ მხარდაჭერისთვის. მინდა მადლობა გადავუხადო ბატონ კახის და ყველა ჩემს კოლეგას, მათი მხარდაჭერით და გვერდში დგომით, დღეს ენერგეტიკის სმაინისტრო არის წარმატებული და მინდა, შევინარჩუნო მაქსიმალურად და განვავითარო ის მიღწევები, რომელიც დღეს არსებობს”,-აღნიშნა ილია ელოშვილმა.

რაც შეეხება სამომავლო გეგმებს, ელოშვილის თქმით, ყველა ნაბიჯი ქვეყნის ენერგოუსაფრთხოებისა და ენერგოდამოუკიდებლობის გაძლიერებისკენ იქნება გადადგმული:

„ამის ირგვლივ ვიტრიალებთ შემდეგი წლების განმავლობაში, რადგან ჩვენი რეგიონი გეოგრაფიულად მოითხოვს მაქსიმალურ ძალისხმევებს, რომ ჩვენი ქვეყანა იყოს არა მარტო ენერგოუსაფრთხო, არამედ მზად ნებისმიერი გამოწვევისთვის, ეს მიმართულებებია დამატებითი გენერაციის საკითხები, განახლებადი ენერგიაზე აქცენტირებით, ასევე ინფრასტრუქტურული პროექტები, ახალი ენერგეტიკის კანონი, და სხვა მიმართულებები, რომლებიც უზრუნველყოფენ ჩვენი ენერგეტიკის სფეროს განვითარებას და წარმატებას", - განაცხადა ელოშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს