ბორის პაიჭაძის სახელობის "დინამო არენას" რეაბილიტაციისთვის დამატებით 6 მილიონი ლარი გამოყოფა. 

ამის შესახებ დადგენილება დედაქალაქის მთავრობის დღევანდელ სხდომაზე მიიღეს. 

დადგენილების თანახმად, რეაბილიტაციისთვის გამოყოფილი დამატებითი თანხით განხორციელდება დინამოს არენას სკამების დემონტაჟი და ახლით ჩანაცვლება. 

ასევე ჰიდროიზოლაცია და შეღებვა, რისთვისაც 4  339 143, 41 ლარია გამოყოფილი. 

ამასთან დაგეგმილია გადახურვის კონსოლურ ელემენტებს შორის ნალესის მოხსნა, კონსოლის ქვედა სიბრტყის შეღებვა. პირველი და მეორე იარუსის კიბის შუბლების მონიშვნა, რაზეც 237 778 ლარი დაიხარჯება. 

გარდა ამისა, 4 ტემპერატურული ნაკერის ქვეშ მდებარე ე.წ. სქაიბოქსების გადახურვის ნაწილობრივი ჰიდროიზლოლაცია განხორციელდება,  რისთვისაც  41762,92 ლარია გამოყოფილია. დაგეგმილია ასევე  უეფას ოფისების კეთილმოწყობა, რაზეც 100 000 ლარი დაიხარჯება. განხორციელდება გამაგრებითი სამუშაოების მესამე ეტაპი, რისთვისაც 704 304 ლარია გამოყოფილი. გასახდელების განყოფილებასა და VIP ლოჟაში უზრუნველყოფილი იქნება ასევე ელექტროგაყვანილობა, გათბობა–გაგრილება, ვენტილიაცია და სახანძრო სიგნალიზაცია, რაზეც 577 011 ლარი დაიხარჯება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება