ზურაბ პატარაძე აჭარის უმაღლესი საბჭოს საქმიანობის ანგარიშის პრეზენტაციას დაესწრო

2017-07-04 16:45:04, 748 ნახვა

რეგიონი

აჭარის მთავრობის თავმჯდომარე ზურაბ პატარაძე დღეს აჭარის უმაღლესი საბჭოს მე-4 მოწვევის საქმიანობის ანგარიშის პრეზენტაციას დაესწრო.

აჭარის უმაღლესი საბჭოს თავმჯდომარემ დავით გაბაიძემ დეტალურად ისაუბრა იმ საკანონმდებლო ცვლიელებებსა და ინიციატივებზე, რომლებიც ახალი მოწვევის უმაღლესი საბჭოს საქმიანობის პერიოდში განხორციელდა.

შეხვედრის მეორე ნაწილი კითხვა-პასუხის რეჟიმში წარიმართა, რომლის დროსაც დავით გაბაიძემ და დეპუტატებმა დასმულ შეკითხვებს უპასუხეს.

„ჩვენ დღეს მოვისმინეთ ძალიან მნიშვნელოვანი, სრულფასოვანი ანგარიში. ჩვენი რეგიონისთვის მნიშვნელოვანია ის შეხვედრები, ის საკანონმდებლო აქტები, ინიციატივები და გადაწყვეტილებები, რომელიც საკანონმდებლო ორგანოში ამ მოკლე პერიოდში იქნა განხორციელებული. ჩვენი რეგიონისთვის განსაკუთრებით მნიშვნელოვანია საკანონმდებლო და აღმასრულებელი ორგანოების სწორი მიდგომები და ერთობლივი პროექტების განხორციელება. დღევანდელი პრეზენტაცია პასუხობდა იმ გამოწვევებს, რომლის წინაშეც ჩვენი ქვეყანა და ჩვენი რეგიონი დგას," - აღნიშნა ზურაბ პატარაძემ თავის გამოსვლაში.

საანგარიშო პერიოდში (7 თვე) მე-4 მოწვევის უმაღლესმა საბჭომ 56 სამართლებრივი აქტი მიიღო, მათ შორის, 37 დადგენილება, 14 ცვლილება კანონში, 5 რეგლამენტის ცვლილება.

ჩატარდა ბიუროს - 30, 6 პლენარული და 9 რიგგარეშე სხდომა.

არასასესიო პერიოდში უმაღლეს საბჭო აგრძელებს მუშაობას.საშემოდგომო სესია სექტემრის პირველ სამშაბათს გაიხსნება.

ზურაბ პატარაძესთან ერთად ანგარიშის წარდგენას რეგიონის მინისტრთა კაბინეტის წევრები, მუნიციპალიტეტების და მესამე სექტორის წარმომადგენლები ესწრებოდნენ.

(NS)