„კახა კალაძე თბილისის მერის არჩევნებზე გუნდის სრული მხარდაჭერით გამოდის“, - ამის შესახებ საპარლამენტო უმრავლესობის ლიდერმა არჩილ თალაკვაძემ განაცხადა.

როგორც თალაკვაძემ მმართველი გუნდის პოლიტსაბჭოს დასრულების შემდეგ ჟურნალისტებს განუცხადა, მერობის პოსტზე გუნდში სხვა კანდიდატურა არ განხილულა.

„„ქართული ოცნების“ კანდიდატი თბილისის მერის არჩევნებში იქნება ჩვენი გუნდის ერთ-ერთი ძლიერი და წარმატებული პოლიტიკოსი, ახალგაზრდა, თანამედროვე ადამიანი, კახა კალაძე. ეს გადაწყვეტილება მიიღო პოლიტსაბჭომ. ჩვენ ასევე ვიმსჯელეთ პრიორიტეტებზე და დიდ პროექტებზე, რომლებიც უნდა განხორციელდეს თბილისში. საზოგადოებას ვარწმუნებთ, რომ უახლოეს მომავალში თბილისი შეიძენს განვითარების სრულიად ახალ ტემპებს. თბილისში, არსებული ტრადიციები და ევროპული თბილისი იქნება საუკეთესო სახით წარმოდგენილი. კახა კალაძე შეძლებს თბილისის, როგორც პოლიტიკურ ხელმძღვანელობას, ასევე თანამედროვე მენეჯმენტის გაწევას და რაც მთავარია შეძლებს თბილისის როგორც ბრენდის განვითარებას. სხვა კანდიდატურები არ ყოფილა განხილული. ჩვენ დავუჭირეთ მხარი ერთიანად კახა კალაძის კანდიდატურას. კალაძე ამ არჩევნებზე გუნდის სრული მხარდაჭერით გამოდის“, - განაცხადა თალაკვაძემ.

მისივე ინფორმაციით, მინისტრის პოსტს კალაძე მას შემდეგ დატოვებს, რაც არჩევნებზე რეგისტრაციის ოფიციალურ პროცედურას გაივლის.

დეპუტატის თქმით, კახი კალაძის ოფიციალურ წარდგენას მმართველი გუნდის წევრების უმრავლესობა დაესწრება.

ცნობისთვის, „ქართული ოცნების“ ცენტრალურ ოფისში პოლიტსაბჭოს სხდომა დასრულდა. სხდომა ბავშვთა სამყაროს დაზარალებულების აქციის ფონზე მიმდინარეობდა.

შეგახსენებთ, თბილისის მერობის კანდიდატად კახი კალაძის ოფიციალური წარდგენა დღეს მთაწმინდაზე, 20:00 საათზე გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს