აჭარის მთავრობის თავმჯდომარესთან გამართულ გაცნობითი ხასიათის შეხვედრას ვეტერანების საქმეთა სახელმწიფო სამსახურის დირექტორი ვლადიმერ იმნაძე, აჭარის სამმართველოს უფროსი გიორგი ქაშიბაძე, ქალაქ ბათუმის მერი და ჯანდაცვის მინისტრი ესწრებოდნენ. 

შეხვედრაზე მთავრობის თავმჯდომარეს ვეტერანების საქმეთა სახელმწიფო სამსახურში არსებული მიმდინარე პროექტები გააცნეს. 

განიხილეს ვეტერანების საქმეთა სახელმწიფო სამსახურსა და აჭარის რეგიონის ხელმძღვანელობას შორის არსებული და სამომავლო ურთიერთთანამშრომლობა აჭარაში მცხოვრები ომისა და სამხედრო ძალების ვეტერანების შესახებ.

ვლადიმერ იმნაძემ აღნიშნა, რომ აჭარაში ბევრი დადებითი პროექტი ხორციელდება ვეტერანებისთვის. მაგალითად, ბათუმის მუნიციპალიტეტში არსებული პროგრამით ბათუმში მცხოვრები ვეტერანები გაზით და შუქით უფასოდ სარგებლობენ. საუბარი შეეხო ზემო აჭარაში ვეტერანთა პროგრამების შესახებ ინფორმაციის წვდომის გაზრდას და ამ მიმართულებით დამატებითი ადამიანური რესურსების მობილიზებას.

შეხვედრის მიზანი იყო აჭარის რეგიონში მცხოვრები ომისა და სამხედრო ძალების ვეტერანების სოციალური მდგომარეობის გაუმჯობესების შესაძლებლობების განხილვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.