სერგეენკო ივანიშვილის ჯანმრთელობაზე: ჭორების გენერატორებმა თავის თავში ჩაიხედონ, კანის ფერი თუ შეეცვლებათ კარგი იქნება

2017-06-26 15:24:36, 2205 ნახვა

კომენტარი

„ამ ჭორების გენერატორებმა და ინსინუატორებს, მათ თავის თავში ჩაიხედონ და კანის ფერი თუ შეეცვლებათ კარგი იქნება“, - ასე უპასუხა შრომის, ჯანმრთელობისა და სოციალური დაცვის მინისტრმა დავით სერგეენკომ ჟურნალისტის კითხვას ყოფილი პრემიერ-მინისტრის ბიძინა ივანიშვილის ჯანმრთელობის მდგომარეობის შესახებ.

როგორც სერგეენკომ აღნიშნა, ყოფილი პრემიერი თავს კარგად გრძნობს.

"მართალი გითხრათ ჩემთვის უკვე საკვირველია, იმიტომ რომ ამის შესახებ მეათედ მეკითხებიან. რამდენადაც მე ვიცი, განცხადებაც გააკეთეს, ბატონმა ბიძინამაც და მისმა ახლობლებმაც, რომ მსგავსი არაფერია. ის ჯანმრთელად და კარგად არის, და ჯანმრთელობას ვუსურვებ. რაც შეეხება ამ ჭორების გენერატორებს და ინსინუატორებს, მათ თავის თავში ჩაიხედონ და კანის ფერი თუ შეეცვლებათ კარგი იქნება", - განაცხადა მინისტრმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან