ე.წ. კანიბალიზმის საქმეზე ბრალდებული ბექა შენგელია მსხვერპლის სხეულის სხვა მიზნით გამოყენების ნაწილში გამართლდა

2017-06-23 13:46:51, 2240 ნახვა

სამართალი

თბილისის საქალაქო სასამართლომ ე.წ. კანიბალიზმის საქმეზე ბრალდებული ბექა შენგელია მსხვერპლის სხეულის სხვა მიზნით გამოყენების ნაწილში გაამართლა, ხოლო განსაკუთრებული სისასტიკით ჩადენილ მკვლელობაში დამნაშავედ სცნო.

როგორც პროკურორმა ინა გუგუშვილმა ჟურნალისტებს განუცხადა, ასევე ბრალდებული, ირმა ყოჩიაშვილი სასამართლომ დამნაშავედ სცნო ჯგუფურად, განსაკუთრებული სისასტიკით ჩადენილ მკვლელობაში. მას ბრალი სისხლის სამართლის კოდექსის 109-ე მუხლის მეორე და მესამე ნაწილით ჰქონდა წარდგენილი.

საბოლოო ჯამში, ბექა შენგელიას განსაკუთრებული სისასტიკით ჩადენილი მკვლელობისთვის უვადო, ირმა ყოჩიაშვილს კი, ამავე მუხლის ბრალდებისთვის 20 წლით თავისუფლების აღკვეთა შეეფარდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან