2017-06-14 10:35:06, 2610 ნახვა
მსოფლიო
ბანგლადეშში სტიქიის შედეგად სულ მცირე 134 ადამიანი დაიღუპა
ბანგლადეშში სტიქიის შედეგად სულ მცირე 134 ადამიანი დაიღუპა, - ამის შესახებ BBC იუწყება.
მედია საშუალების ინფორმაციით, გადაუღებელი წვიმების შედეგად გამოწვეული მეწყერი ქვეყნის სამხრეთ-აღმოსავლეთით მდებარე დასახლებაში ჩამოწვა.
ამ დრომდე რანგამატისა და ბანდარბანის ოლქებში სატრანსპორტო მიმოსვლა შეწყვეტილია, სატელეფონო ხაზი არ ფუნქციონირებს.
თვითმხილველების თქმით, სტიქია დასახლებას მოულოდნელად დაატყდა თავს მაშინ, როდესაც მაცხოვრებლების უმეტესობას ეძინა. ადგილზე ამ დრომდე სამაშველო სამსახურის წარმომადგენლები მუშაობენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
