შონ სპაისერი რუსეთში მომიტინგეების დაკავებაზე: რუსეთის ქმედებები დემოკრატიულ ღირებულებებს ეწინააღმდეგება

2017-06-13 11:38:25, 2580 ნახვა

მსოფლიო

12 ივნისს, რუსეთში სხვადახვა ქალაქებში მშვიდობი დემონსტრანტების დაკავესთან დაკავშირებით თეთრი სახლი შეშფოთებას გამოთქვამს.

თეთრი სახლის პრეს-მდივანმა რუსეთის ხელისუფლების აღნიშნული ქმედება გააკრიტიკა და აღნიშნა, რომ დემონსტრანტების დაკავება დემოკრატიულ ღირებულებებს ეწინააღმდეგება.

„მშვიდობიანი მომიტინგეების, უფლებადამცველების და ჟურნალისტების დაკავება დემოკრატიულ ღირებულებებს ეწინააღმდეგება“, - განაცხადა შონ სპაისერმა

მისივე თქმით, თეთრი სახლი თვალს მიადევნებს მოვლენების განვითარებას.

შეგახსენებთ, რომ 12 ივნისს რუსეთის ათობით ქალაქში ანტიკორუფციული საპროტესტო აქციები გაიმართა. ქალაქებში მიტინგები არასანქცირებულად გამოცდხადდა, რასაც მასობრივი დაკავებები მოჰყვა. პარალელურად რუსმა სამართალდამცველებმა ადგილობრივი ოპოზიციონერი ალექსეი ნავალნი დააკავეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან