იენს სტოლტენბერგი: საქართველოს ნატო-ში გაწევრიანებას რუსეთი ხელს ვერ შეუშლის

2017-06-08 15:22:15, 2593 ნახვა

საზოგადოება მსოფლიო

ჩრდილოტლანტიკური ალიანსის გენერალური მდივნის იენს სტოლტენბერგის განცხადებით, ნატო-ს კარი ყველასთვის ღიაა და გაწევრიანების გადაწყვეტილება თითოეული ქვეყნის დამოუკიდებელი არჩევანია.

ამის შესახებ ალიანსის გენერალურმა მდივანმა გამოცემა Le Figaro-სთვის მიცემულ ინტერვიუში განაცხადა.

სტოლტენბერგის თქმით, გაწევრიანების პროცესს ვერც ერთი სხვა ქვეყანა, მათ შორის რუსეთი ხელს ვერ შეუშლია.

მისივე განმარტებით, ოფიციალურ კრემლს გაწევრიანების დაბლოკვის არანაირი უფლება და ბერკეტი არ გააჩნია.

გენერალური მდივნი თვლის, რომ ალიანსში საქართველოსა და უკრაინის გაწევრიანება ნატო-ს წევრების ერთსულოვნებასა და კანდიდატი ქვეყნების სამხედრო ბლოკის გარკვეულ კრიტერიუმებსა და მოთხოვნებთან შესაბამისობაზეა დამოკიდებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან