აზერბაიჯანელი ჟურნალისტის მეუღლის ლეილა მუსტაფაევას ინფორმაციით, აფგან მუხთარლის სასამართლო პროცესი ამ დრომდე მიმდინაროებს.

როგორც მუსტაფაევამ "ექსპრესნიუსს" განუცხადა, მის მიუღლეს ბრალი 3 მუხლით წაუყენეს.

"ჩემ მეუღლეს ბრალი 3 მუხლით წაუყენეს, კერძოდ სამართალდამცავებისათვის წინააღმდეგობის გაწევის, საზღვრის უკანონო კვეთისა და კონტრაბანდის ბრალდებით. რაც შეეხება გირაოს, აზერბაიჯანში არ არსებობს მსგავსი პრაქტიკა, თუ ადამიანი დაკავებულია პოლიტიკური მოტივით. გადაწყვეტილებამდე სასამართლო ჯერ არ მისულა, რადგან პროცესი ჯერ კიდევ გრძელდება", - განაცხადა ლეილა მუსტაფაევამ.

მან აზერბაიჯანისა და საქართველოს ხელისუფლებას ბრალი დასდო მისი მეუღლის გაუჩინარებაში.

შეგახსენებთ, აზერბაიჯანელი ჟურნალისტი თბილისში 29 მაისს გაუჩინარდა. მისი მეუღლის, ლეილა მუსტაფაიევის და მისი მეგობრის დაშგინ აღალარლის თქმით, ბოლო პერიოდში, აფგან მუხთარლის უცნობი პირები, სავარაუდოდ აზერბაიჯანელები, უთვალთვალებდნენ.
30 მაისს აზერბაიჯანულმა მედიამ გაავრცელა ინფორმაცია, რომ  აფგან მუხთარლი ბაქოში მალულად გადაიყვანეს და დააპატიმრეს.

ცნობისთვის, აფგან მუხთარლი აზერბაიჯანიდან დევნილი საგამოძიებო ჟურნალისტი და აქტივისტია, რომელიც ღიად გამოხატავდა აზერბაიჯანელი მთავრობის წინააღმდეგ მოსაზრებებს. 2015 წლის ინავრიდან ის საქართველოში ცხოვრობს, მის მეუღლესა და ქალიშვილთან ერთად, აფგანი თავისუფალ ჟურნალისტად მუშაობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან