„ვიცით, რომ საქართველოს ხელისუფლება აკონტროლებს ვითარებას, თუმცა ადგილზე დაძაბულობა არ იკლებს“,-ამის შესახებ ნატო-ს საპარლამენტო ასამბლეის პრეზიდენტმა პაოლო ალიმ ჟურნალისტებს ახალგორის მოსაზღვრე სოფელ ოძისში განუცხადა, სადაც დელეგატებთან ერთად იმყოფებოდა.

პაოლო ალის თქმით, ხვალ  ფინალურ სესიაზე საქართველოს შესახებ დეკლარაციას დაამტკიცებენ. მან კიდევ ერთხელ აღნიშნა, რომ  ნატო და ნატო-ს საპარლამენტო ასამბლეა მტკიცედ უჭერს მხარს საქართველოს:

„ჩვენ მივიღეთ დეტალური ინფორმაცია, თუ რამდენად აკონტროლებს ვითარებას რუსეთის ფედერაცია. გავეცანით რუსეთის საჯარისო ნაწილების ზუსტ რიცხვს არა მხოლოდ აქ, აფხაზეთის ტერიტორიაზეც. უსაფრთხოების თვალსაზრისით, ჩვენთვის მნიშვნელოვანია, გვესმოდეს, თუ როგორ კონტროლდება სიტუაცია. ვიცით, რომ საქართველოს ხელისუფლება აკონტროლებს ვითარებას, თუმცა ადგილზე დაძაბულობა არ იკლებს. ხვალ ჩვენ ფინალურ სესიაზე მივიღებთ დეკლარაციას საქართველოს შესახებ, თუმცა  უჩვეულოა ასეთი რეზოლუციის მიღება.ასევე, უჩვეულოა ის, რომ ნატო-ს არაწევრ ქვეყანაში გვიწევს სესიის ჩატარება. ეს გამონაკლისია ჩვენს პრაქტიკაში, მაგრამ ეს ხდება საქართველოსთვის ჩვენი მხარდაჭერის დემონსტრირებისთვის.დეკლარაცია ჯერ კიდევ განხილვის პროცესშია, თუმცა მას ხვალ დავამტკიცებთ. ნატო და ნატო-ს საპარლამერნტო ასამბლეა მტკიცედ უჭერს მხარს საქართველოს“,-აღნიშნა ნატო-ს საპარლამენტო ასამბლეის პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს