„საკონსტიტუციო რეფორმის ფარგლებში, ვიხილავთ ინიციატივას, რომლის მიხედვითაც საქართველოს მოქალაქეებს, რომლებმაც სხვა ქვეყნის მოქალაქეობა მიიღეს, აღარ უწევდეთ იმ რთული პროცედურის გავლა, რომელიც საქართველოს მოქალაქეობის დაბრუნებას სჭირდება“, - ამის შესახებ პრემიერ-მინისტრმა გიორგი კვირიკაშვილმა დიასპორის დღისადმი მიძღვნილ ფორუმზე განაცხადა.

პრემიერმა აღნიშნა, რომ ინიციატივა სალომე ზურაბიშვილს ეკუთვნის და მას ამისთვის მადლობა გადაუხადა.

„საკონსტიტუციო რეფორმის ფარგლებში, ჩვენ ვიხილავთ ინიციატივას, რომელიც სხვათაშორის ეკუთვნის ქალბატონ სალომე ზურაბიშვილს, რომელიც აქ იმყოფება და მინდა მას მადლობა გადავუხადო ამისთვის, რათა საქართველოს მოქალაქეებს, რომლებმაც მიიღეს სხვა ქვეყნის მოქალაქეობა, აღარ უწევდეთ იმ რთული პროცედურის გავლა, რომელიც სჭირდება საქართველოს მოქალაქეობის დაბრუნებას შემდგომში. დიდი იმედი მაქვს, რომ ამ გადაწყვეტილებას მივიღებთ ახალი საკონსტიტუციო ცვლილების ფარგლებში და ეს მნიშვნელოვნად გაამარტივებს ჩვენი ქვეყნის წარმომადგენლების აქტიურად დარჩენას საქართველოს ცხოვრებაში“, - აღნიშნა პრემიერ-მინისტრმა.

ცნობისთვის, საქართველოს საგარეო საქმეთა სამინისტროს, მიგრაციის საერთაშორისო ორგანიზაციისა და მიგრაციის პოლიტიკის განვითარების საერთაშორისო ცენტრის მხარდაჭერით, დიასპორის დღისადმი მიძღვნილი ღონისძიებების ფარგლებში, თბილისში, სასტუმრო „ბილტმორში“, დიასპორის დღისადმი მიძღვნილი ფორუმი - „ძლიერი დიასპორა ერთიანი საქართველოსთვის“ იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს