„ჩვენი სუვერენიტეტი ალბათ არის ქვეყნის ფუნდამენტური მოცემულობა, რომელზეც შენდება ჩვენი ქვეყანა“, - ამის შესახებ სოფლის მეურნეობის მინისტრმა ლევან დავითაშვილმა განაცხადა.

მინისტრმა მოსახლეობას დამოუკიდებლობის დღე მიულოცა.

დავითაშვილის თქმით, სიმბოლურია, რომ ეს დღე 26 მაისს აღინიშნება.

„პირველ რიგში გილოცავთ დამოუკიდებლობის დღეს. ეს ჩვენთვის ძალიან მნიშვნელოვანია დღეა. ჩვენი სუვერენიტეტი ალბათ არის ქვეყნის ფუნდამენტური მოცემულობა, რომელზეც შენდება ჩვენი ქვეყანა. ჩვენი ქვეყნის ეკონომიკა, კეთილდღეობა პირდაპირ დამოკიდებულია მის დამოუკიდებლობაზე. ასე რომ ძალიან მნიშვნელოვანი დღეა. სიმბოლურია ის, რომ 26 მაისი საქართველოს დამოუკიდებლობის დღეა. ეს ამყარებს კავშირს პირველ რესპუბლიკასთან და იმ ტრადიციებთან, რომელიც ჩვენ საბჭოთა კავშირამდე გვქონდა და მას შემდეგაც“, - განაცხადა დავითაშვილმა.

26 მაისთან დაკავშირებით სოფლის მეურნეობის სამინისტროს სტენდი რუსთაველის გამზირზეა განთავსებული. სტენდი მინისტრმა ლევან დავითაშვილმა დაათვალიერა. „ექსპრესნიუსის“ კორესპონდენტის ინფორმაციით, ადგილზე წარმოდგენილი სახელმწიფო პროექტების ფარგლებში დაფინანსებული აგრარული მიმართულების საწარმოების და სასოფლო სამეურნეო კოოპერატივების მიერ წარმოებული პროდუქცია - სხვადასხვა სახის თაფლი და თაფლის პროდუქტები, ღვინისა და ყველის ნაირსახეობა, ჩაი, ჩურჩხელა, ბადაგი, თხილი, დეკას ჩაი, სუბლიმირებული ხილი, მოცვი, კომპოტები, წვენები, ჯემებისა და მურაბების ნაირსახეობა. სამინისტროს სტენდის სტუმრებს საშუალება აქვთ დააგემოვნონ და შეიძინონ წარმოდგენილი პროდუქცია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს