სასჯელაღსრულებისა და პრობაციის მინისტრი კახა კახიშვილი ოფიციალური ვიზიტით ავსტრიის რესპუბლიკაში გაემგზავრა. უწყების პრესსამსახურის ინფორმაციით, მინისტრი ვენაში ავსტრიის რესპუბლიკის ვიცე-კანცლერს, იუსტიციის ფედერალურ მინისტრ ვოლფგანგ ბრანდშტეტერს და სამინისტროს დელეგაციას შეხვდება. მხარეები უწყებებს შორის თანამშრომლობის საკითხებს განიხილავენ. 

დაგეგმილია ურთიერთგაგების მემორანდუმის გაფორმება, რომელსაც ხელს კახა კახიშვილი და ვოლფგანგ ბრანდშტეტერი მოაწერენ. დოკუმენტი საქართველოს სასჯელაღსრულებისა და პრობაციის სამინისტროს და ავსტრიის იუსტიციის ფედერალურ სამინისტროს შორის სასჯელაღსრულებისა და პრობაციის სფეროში თანამშრომლობის განვითარებასა და მყარი პარტნიორობის  ჩამოყალიბებას ითვალისწინებს. უწყებები პენიტენციური სისტემის ეფექტური მართვის, უსაფრთხოების, ადამიანის უფლებების დაცვის, პენიტენციური ჯანდაცვის, მსჯავრდებულთა რესოციალიზაცია-რეაბილიტაციის, თანამშრომელთა პროფესიული შესაძლებლობების გაზრდისა და სხვა მიმართულებებით ითანამშრომლებენ. 

ვიზიტის ფარგლებში, საქართველოს სასჯელაღსრულებისა და პრობაციის მინისტრი ვენის ზიმერინგის სასჯელაღსრულების დაწესებულებასაც ეწვევა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.