არასამთავრობო ორგანიზაცია „საერთაშორისო გამჭვირვალობა-საქართველოს“ აღმასრულებელი დირექტორის ეკა გიგაურის განცხადებით, ფარცხალაძე-თორდიას საქმეზე გამოძიება არაეფექტურად მიმდინარეობს, რომ სიმართლე არ დადგინდეს.

ეკა გიგაურმა გენერალურ აუდიტორთან შეხვედრის შემდეგ განაცხადა, რომ გამოძიება არასწორი მუხლით დაიწყო.

კერძოდ, გიგაურის განმარტებით, 126-ე მუხლით, რომლითაც გამოძიება მიმდინარეობს,  კამერების ამოღება ნებადართული არაა.

 მისივე შეფასებით,  სამწუხაროდ, საქართველოში არიან ადამიანები, ვისაც კანონი არ ეხებათ:

„მგონია, რომ სპეციალურად ხდება ის, რომ ამ მუხლით დაიწყო გამოძიება და ის, რომ ამ დღეების განმავლობაში არ იქნა დაკითხული ფარცხალაძე და ფაქტობრივად ყველაფერი ხდება ისე, რომ არ დადგინდეს სიმართლე და საზოგადოებამ არ გაიგოს მთავარი რამ, რომ ჩვენ გვაქვს პრობლემები თბილისის მერიაში, რომ ამ პრობლემების შექმნაში შესაძლოა, ჩართული იყოს ყოფილი მთავარი პროკურორი და ასევე მიზანია ის, რომ საზოგადოებამ გაიგოს, რომ ჩვენს ქვეყანაში არიან ადამიანები, რომლებსაც არ ეხებათ კანონი. ვილაპარაკეთ იმ მოკვლევაზე, რომელიც აუდიტის სამსახურმა ჩაატარა, თუმცა ამ ეტაპზე შეიძლება ითქვას ის, რომ ჩვენ ვართ აბსოლუტურად ცუდ მოცემულობაში . ჩვენს ქვეყანაში ვხედავთ, რომ არიან ადამიანები, რომლებსაც არ ეხებათ კანონი, გამოძიება დაწყებულია არასწორი მუხლით და ამ გამოძიების შედეგად შეუძლებელია ამოღებული იქნას კამერები, რომლითაც დადგინდება, როგორ იყო კონფლიქტი. გამოძიება არაეფექტურია“,-აღნიშნა გიგაურმა და დასძინა, რომ რეალურად ამ საქმით არ ინტერესდება არც ერთი პოლიტიკური თანამდებობის პირი და განსაკუთრებით პარლამენტი, რომელიც უნდა იყოს პირველ რიგებში, რადგან აუდიტის სახელმწიფო სამსახური პირდაპირ პარლამენტს ექვემდებარება.

შეგახსენებთ, სახელმწიფო აუდიტის სამსახურის ხელმძღვანელის  ლაშა თორდიას განცხადებით, მას ყოფილი მთავარი პროკურორი ოთარ ფარცხალაძე თავს დაესხა. თავდასხმა მოხდა კონკრეტულ საქმესთან დაკავშირებით, რომელზეც აუდიტის სამსახური მოკვლევას აწარმოებდა. ლაშა თორდიას განმარტებით, საქმე 2016 წელს მიწების გადაცემის საკითხს ეხება და მასში ოთარ ფარცხალაძის გვარი ფიგურირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიქაუტაძე ამბობს, რომ ბიზნესმენებისგან აღებული ფული გრიგოლ ლილუაშვილთან მიჰქონდა

სუს: ოკუპანტების მიერ 2025 წლის 5 დეკემბერს უკანონოდ დაკავებული მოქალაქე თავისუფალია

"სოლიდუსმა" ოკუპირებულ აფხაზეთს დამატებით 100 ტონა საწვავი მიაწოდა - გიორგი არველაძე

ბენეფიტების ახალი პროგრამა „თეგეტას“ ყველა ყოფილი თანამშრომლისთვის