მარგველაშვილი: EUMM-ის მისია საქართველოში და რეგიონში სიმშვიდის დაცვის მნიშვნელოვანი გარანტია

2017-05-07 16:52:08, 2006 ნახვა

პოლიტიკა

საქართველოს პრეზიდენტმა გიორგი მარგველაშვილმა EUMM-ის მისიის ( ევროკავშირის შეუიარაღებელი სამოქალაქო სადამკვირვებლო მისია) თანამშრომლებს მადლობა გადაუხადა. პრეზიდენტის თქმით, აღნიშნული მისია საქართველოში და რეგიონში სტაბილურობისა და სიმშვიდის დაცვის გარანტია.

„მინდა, განსაკუთრებული მადლობა ვუთხრა EUMM-ის მისიის როგორც თითოეულ თანამშრომელს, ასევე თითოეულ იმ ქვეყანას, ვინც თავის წარმომადგენელს აგზავნის ამ მისიაში. ეს მისია ჩვენს ქვეყანაში და რეგიონში სტაბილურობისა და სიმშვიდის დაცვის რეალური და მნიშვნელოვანი გარანტია. არ არსებობს შეხვედრა საერთაშორისო პარტნიორებთან, სადაც ხაზს არ ვუსვამთ მისიის მნიშვნელობას. მადლობა მათ თითოეული დღის განმავლობაში სამსახურისთვის“,-განაცხადა გიორგი მარგველაშვილმა რიყის პარკში, სადაც „ევროპის დღე“ აღინიშნება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან