აჭარაში საინფორმაციო-ტურისტულ ცენტრებში ვიზიტორების მატებაა.

აჭარის ტურიზმისა და კურორტების დეპარტამენტის ინფორმაციით, 2017 წლის, პირველი კვარტლის მონაცემებით, საინფორმაციო ცენტრების მომსახურებით 5 938 ვიზიტორმა ისარგებლა, რაც გასული წლის ანალოგიურ პერიოდს 18%-ით აღემატება.

მათივე ცნობით, ყველაზე ხშირად საინფორმაციო ცენტრებს რუსი, ებრაელი, უკრაინელი და პოლონელი ვიზიტორები სტუმრობდნენ.

ისინი ძირითადათ, მთიანი აჭარის ტურებითა და ტრადიციული სამზარეულოთი ინტერესდებიან. ხშირია, ფოლკლორის გაცნობისა და გასართობი ტურისტული ობიექტების დათვალიერების მსურველებიც.

არატურისტულ სეზონზე ვიზიტორებს აჭარაში 6 ტურისტული საინფორმაციო ცენტრი ემსახურებოდა. ცენტრებში სტუმრებს აჭარის ტურისტული პროდუქტების, ტურების, გასართობი ტურისტული ობიექტებისა თუ ღონისძიებების შესახებ დეტალური ინფორმაციის მიღება შეუძლიათ. იქვე შესაძლებელია აჭარაში დამზადებული ადგილობრივი სუვენირებისა თუ პროდუქტების შეძენაც.

აჭარის ტურისტული პროდუქტების განვითარების სააგენტო ზაფხულის ტურისტული სეზონისთვის ქედისა და შუახევის სეზონურ ცენტრებსაც გახსნის. ამას დაემატება ახალი  ცენტრი ბათუმის ცენტრალში და ზაფხულში აჭარაში სტუმრებს ჯამში   9 საინფორმაციო ტურისტული ცენტრი მოემსახურება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო