თურქეთის პოლიციამ 9 ათასი თანამშრომელი მუსლიმ მქადაგებელ ფეთჰულა გიულენთან კავშირის ბრალდებით სამსახურიდან გაათავისუფლა, - ამის შესახებ BBC იუწყება.

როგორც პოლიციაში აცხადებენ, შესაბამისი გადაწყვეტილება ნაციონალური უსაფრთხოების ინტერების დაცვიდან გამომდინარე მიიღეს.

ცნობისთვის, გუშინ თურქეთის ხელისუფლების გადაწყვეტილებით, 1000-ზე მეტი სამარტალდამცველი დააკავეს. რეიდი 72 რაიონში ჩატარდა და ბოლო რამდენიმე თვის განმავლობაში ყველაზე მასშტაბური ოპერაცია იყო.

უწყებაში აცხადებნენ, რომ რეიდი ფარული აგენტების დაკავებაზე იყო გათვლილი, რომლებსაც "ფარულ იმამებს" ეძახიან. 

შეგახსენებთ, რომ გასული წლის ივლისში თურქეთში სამხედრო გადატრიალების მცდელობა მოხდა, რის შედეგადაც 249 ადამიანი დაიღუპა, 2 200 კი მძიმედ დაშავდა. თურქეთის ხელისუფლება სამხედრო გადატრიალების ორგანიზებაში მუსლიმ მქადაგებელ ფეთჰულა გიულენს ადანაშაულებს. გიულენი ამერიკის შტატ პენსილვანიაში ცხოვრობს და თურქეთი მის ექსტრადირებას უკვე რამდენიმე თვე ითხოვს. შტატები ექსტრადირებაზე უარს აცხადებენ. რაც შეეხება გიულენს ის ბრალს არ აღიარებს. გარდა ამისა, გადატრიალების მცდელობის შემდეგ, ქვეყნის მასშტაბით დაიხურა ათობით სკოლა და უნივირსიტეტი, ასევე რამდენიმე მედია საშუალება. პრეზიდენტის რეჯეპ ტაიფ ერდოღანის განკარგულებით სამსახურიდან დაითხოვეს ათასობით ადამიანი, ამასთან 15 ათასამდე მასწავლებელი, 6 ათასამდე სამართალდამცველი და 100-მდე ჟურნალისტი დააპატიმრეს, გიულენთან კავშირის ბრალდებით. ქვეყანაში საგანგებო მდგომარეობა კიდევ 3 თვით გახანგრძლივდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო