საზოგადოებრივი მაუწყებლის სამეურვეო საბჭოს თავმჯდომარედ გრიგოლ გოგელია მეორე ვადით აირჩიეს

2017-04-25 13:20:05, 1510 ნახვა

საზოგადოება

საზოგადოებრივი მაუწყებლის სამეურვეო საბჭოს თავმჯდომარედ გრიგოლ გოგელია მეორე ვადით აირჩიეს.

საზოგადოებრივი მაუწყებლის ინფორმაციით, გრიგოლ გოგელიას კანდიდატურა თავმჯდომარის თანამდებობაზე სამეურვეო საბჭოს ექვსმა წევრმა წარადგინა.

მათივე ცნობით, მას ფარული კენჭისყრით მხარი დაუჭირა საბჭოს ექვსმა წევრმა, ხოლო ორმა თავი შეიკავა.

გარდა ამისა, დღევანდელ სხდომაზე კენჭი უყარეს სამეურვეო საბჭოს თავმჯდომარის მოადგილის კანდიდატურას და ამ თანამდებობაზე 6 ხმით მარინა მუსხელიშვილი აირჩიეს.

გრიგოლ გოგელიას საზოგადოებრივი მაუწყებლის სამეურვეო საბჭოს წევრობის ვადა 2018 წელს ეწურება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან