თეთრი სახლი რუსეთს ადანაშაულებს, რომ ის ცდილობს, სირიის ხელისუფლების ბრალეულობა საკუთარი მოქალაქეების წინააღმდეგ ქიმიური თავდასხმის განხორციელებაში დამალოს, - ამის შესახებ The New York Times იუწყება. 

ამერიკის შეერთებუი შტატების მთავრობის ცნობით, ერთდროულად არაერთი დადასტურებული ინფორმაცია გავრცელდა, რომ სირიის ხელისუფლებამ საკუთარი მოქალაქეების წინააღმდეგ ქიმიური იაღაღი გამოიყენა. 

აშშ-ს სადაზვერვო სააგენტოს მიერ ქიმიური თავდასხმის შესახებ მომზადებულ ოთხგვერდიან ანგარიშში წერია, რომ სირიისა და რუსეთის მთავრობები შეეცადნენ მსოფლიო თანამეგობრობა შეცდომაში შეეყვანათ, რისთვისაც დეზინფორმაციას ავრცელებდნენ. 

როგორც აშშ-ს მთავრობის წარმომადგენლებმა განაცხადეს, მათ ამ ეტაპზე არ შეუძლიათ კომენტარის გაკეთება, რამდენად არის შესაძლებელი, რუსეთის მთავრობას წინასწარ სცოდნოდა, რომ სირია ქიმიური თავდასხმის განხორციელებას გეგმავდა ან იერიშის მიტანას აპირებდა იმ კლინიკაზე, სადაც დაზარალებულები მკურნალობდნენ. 

შეგახსენებთ, რომ 4 აპრილს სირიის პროვინცია იდლიბზე ქიმიური თავდასხმა განხორციელდა. თავდასხმის შედეგად 89 ადამიანი დაიღუპა, მათ შორის 33 ბავშვი და 19 ქალი. ქვეყნის ოპოზიცია თავდასხმაში სირიის ხელისუფლებას ან რუსეთს ადანაშაულებს. თავდასხმის შემდეგ ის საავადმყოფოები დაიბომბა, სადაც დაშავებულები მკურნალობას გადიოდნენ. ქიმიური იარაღის გამოყენებიდან 3 დღეში, ამერიკის შეერთებულმა შტატებმა სირიის საავიაციო ბაზა დაბომბეს. როგორც ქვეყნის პრეზიდენტმა დონალდ ტრამპმა აღნიშნა, ეს იყო აშშ-ის პასუხი სირიის პრეზიდენტ ბაშარ ასადს. ევროპა და ამერიკა თავდასხმაში სირიის ხელისუფლებას ადანაშაულებენ და ქიმიური იარაღის გამოყენებაში რუსეთის ჩართულობაზე საუბრობენ. ასადი და ოფიციალური კრემლი ბრალდებებს უარყოფენ. დიი ბრიტანეთის საგარეო საქმეთა მინისტრი ბორის ჯონსონი რუსეთის წინააღმდეგ ახალი სანქციების დაწესების ინიციატივით გამოვიდა. დღეს დიდი შვიდეულის შეხვედრაზე მინისტრებმა სანქციების დაწესებაზე ისაუბრეს, თუმცა ვერ შეთანხმდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც