მღებრიშვილი: მაქსიმუმს ვაკეთებთ იმისათვის, რომ ევროპაში ქართველების მიერ ჩადენილმა დანაშაულმა იკლოს

2017-03-20 16:07:37, 1993 ნახვა

კომენტარი

შინაგან საქმეთა მინისტრი გიორგი მღებრიშვილის განცხადებით, საქართველოს ევროკავშირის საერთაშორისო საპოლიციო სისტემასთან მჭიდრო ურთიერთობა აქვს და ეს ურთიერთობები კიდევ უფრო ღრმავდება.

როგორც მინისტრმა აღნიშნა, სახელმწიფო მაქსიმუმს აკეთებს იმისათვის, რომ ევროპაში ქართველების მიერ ჩადენილმა დანაშაულმა იკლოს.

"შს სამინისტროს ძალიან მჭიდრო საერთაშორისო საპოლიციო თანამშრომლობა აქვს ევროკავშირის ქვეყნებთან. ჩვენ მაქსიმუმს ვაკეთებთ იმისათვის, რომ ევროპაში ქართველების მიერ ჩადენილმა დანაშაულმა იკლოს. მაქსიმალურად კონტაქტში ვართ კოლეგებთან. ასევე, მაქსიმუმს ვაკეთებთ იმისათვის, რომ ნაკლები თავშესაფარის მაძიებელი იყოს საქართველოდან", - განაცხადა გიორგი მღებრიშვილმა ჟურნალისტებთან საუბრისას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან