ბათუმის საქალაქო სასამართლომ ბათუმის მოვლენებში ბრალდებულ 5 პირს აღკვეთის ღონისძიების სახით პატიმრობა შეუფარდა.

მოსამართლე დავით მამისეიშვილმა დააკმაყოფილა პროკურორების შუამდგომლობა და ბრალდებულები გენადი მამულაძე, მინდია ბერიძე, გიორგი ბერიძე, კახა მახარაძე და ლაშა დეკანაძე პატიმრობაში დატოვა.

პროკურატურამ ჯგუფურ ძალადობაში მონაწილეობისთვის, პოლიციელებზე, მათ სამსახურებრივ შენობაზე, სატრანსპორტო საშუალებაზე თავდასხმასა და პოლიციელების ჯანმრთელობის ხელყოფის ფაქტზე შვიდ პირს, მათ შორის ორ არასრულწლოვანს ბრალდება წარუდგინა.

საგამოძიებო უწყება დაკავებული 6 პირისთვის აღკვეთის ღონისძიების სახით პატიმრობას, ხოლო ერთი არასრულწლოვანის მიმართ 3 ათას ლარიანი გირაოს შეფარდებას ითხოვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს - დავაკავეთ 3 პირი, რომლებიც ცივი იარაღის მუქარით, ორ მოქალაქეს სხვადასხვა ბანკიდან ონლაინ სესხის აღებას აიძულებდნენ

ავტომობილის ქურდობის ბრალდებით, 2 პირი, მათ შორის, ერთი არასრულწლოვანი დააკავეს

მოსკოვის რეგიონში Wildberries-ის უდიდეს საწყობს დრონით თავდასხმის შემდეგ ცეცხლი გაუჩნდა

ნატოს გამანადგურებელმა რუმინეთის თავზე დრონი ჩამოაგდო